កញ្ញា សេង ធារី ចោទតុលាការក្រុងភ្នំពេញថាជា«តុលាការល្ខោននយោបាយ»
នៅព្រឹកមិញ កញ្ញា សេង ធារី អ្នកច្បាប់និងអ្នកធ្វើការខាងការពារសិទ្ធិមនុស្ស បានពោលពាក្យចោទប្រកាន់ តុលាការការក្រុងភ្នំពេញ ថា ជា«តុលាការល្ខោននយោបាយ»! នៅពេលដែលកញ្ញាធ្វើដំណើរ ចូលខ្លួនទៅបំភ្លឺនៅតុលាការ។ តុលាការក្រុង បានចោទប្រកាន់រូបនាង ក្នុងបទល្មើស«រួមគំនិតក្បត់» និង «ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម» ជាមួយ សកម្មជនគណបក្សសង្គ្រោះជាតិជាច្រើននាក់ទៀត ជុំវិញគម្រោងធ្វើដំណើរចូលស្រុកខ្មែរ របស់លោក សម រង្ស៊ី នៅថ្ងៃទី៩វិច្ឆិកា២០១៩។
ចុះផ្សាយនៅថ្ងៃ៖
កញ្ញា សេង ធារី មានប្រសាសន៍ពីក្នុងឡាន ដាក់តាមហ្វេសបុក ពេលធ្វើដំណើរទៅតុលាការ យ៉ាងដូច្នេះ៖
រីឯជុំវិញ ដំណើរមាតុភូមិនិវត្តន៍របស់លោក សម រង្ស៊ី កាលពីថ្ងៃទី៩ ខែវិច្ឆិកា ឆ្នាំ២០១៩ គឺត្រូវអ្នកនយោបាយបក្សកាន់អំណាច ចោទប្រកាន់លោក សម រង្ស៊ី និងអ្នកគាំទ្រ ថាចូលរួមក្នុងផែនការប៉ុនប៉ងធ្វើរដ្ឋប្រហារផ្តួលរំលំ រាជរដ្ឋាភិបាលស្របច្បាប់។
ពីរឆ្នាំមកនេះ មានមនុស្សជាច្រើនសិបនាក់ ត្រូវចាប់ឃាត់ខ្លួន, ចោទប្រកាន់ និងត្រូវមានក្តីក្តាំឡើងតុលាការ។
នៅដើមខែមីនា ឆ្នាំ២០២១នេះ តុលាការក្រុងភ្នំពេញ ប្រកាសសាលក្រម កាត់ទោសលោក សម រង្ស៉ី ច្បាប់ឱ្យជាប់ពន្ធនាគារ ២៥ឆ្នាំ ព្រមទាំងដកហូតសិទ្ធិជាមូលដ្ឋានមួយចំនួន។ ចំពោះសហការីជំនិតៗនិងអតីតមន្ត្រីជាន់ខ្ពស់បក្សសង្គ្រោះជាតិ មួយចំនួន ក៏ត្រូវកាត់ទោសធ្ងន់ធ្ងរ ដែលអ្នកខ្លះតម្រូវឲ្យជាប់ពន្ធនាគារ ២០ ទៅ២២ឆ្នាំ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ