លោកស្រី ម៉ែន សំអន លើកទឹកចិត្តឲ្យដាក់«ថ្ងៃរំឮកគុណអង្គរ»ជា«ទិវាបុណ្យជាតិ»
១៤ធ្នូ១៩៩២ -១៤ធ្នូ២០២១ គឺជាគម្រប់ខួប ២៩ឆ្នាំ នៃការដាក់ តំបន់រមណីយដ្ឋានអង្គរ នៅក្នុងបញ្ជីមត៌កបេតិកភណ្ឌពិភពលោក។ កាលណោះ ពិធីនេះ រៀបចំដោយ គណៈកម្មការបេតិកភណ្ឌពិភពលោក លើកទី១៦ នៅទីក្រុងសាន់តាហ្វេ សហរដ្ឋអាមេរិក។
ចុះផ្សាយនៅថ្ងៃ៖
ក្នុងខួប២៩ នៅឆ្នាំនេះ ក្រសួងវប្បធម៌ខ្មែរ និងអាជ្ញាធរជាតិអប្សរា ព្រមទាំងអាជ្ញាធរខេត្តសៀមរាប បានរៀបចំពិធីបុណ្យ«រំឮកគុណអង្គរ» ដើម្បីឧទ្ទិសនឹកគុណដល់បុព្វបុរសខ្មែរ ដែលបានស្ថាបនាប្រាសាទដ៏ប្រណីតជាង១០០ប្រាសាទនៅតំបន់អង្គរ ហើយប្រាង្គប្រាសាទបុរាណទាំងអស់នេះ បានរួមចំណែកយ៉ាងសំខាន់ ក្នុងការផ្ដល់ផលប្រយោជន៍ជាច្រើនដល់សង្គមនិងសេដ្ឋកិច្ចជាតិ នាពេលសព្វថ្ងៃនេះ។
ក្នុងន័យនេះ ទាំងរដ្ឋមន្ត្រីក្រសួងវប្បធម៌ លោកស្រី ភឿង សកុណា និងទាំងលោកស្រី ម៉ែន សំអន ឧបនាយករដ្ឋមន្ត្រី បានលើកឡើងថា «យើងត្រូវដឹងគុណបុព្វបុរស!»។ ថ្លែងនៅមុខប្រាសាទអង្គរ លោកស្រីទាំងពីរ ក៏បានជំរុញលើកទឹកចិត្តឲ្យមនុស្សគ្រប់រូប គួរតែអញ្ជើញទៅទស្សនាអង្គរ ឲ្យបាន យ៉ាងហោច ម្តង ក្នុងមួយឆ្នាំ។
ថ្លែងក្នុងនាមជាអធិបតីនៃអង្គពិធី លោកស្រី ម៉ែន សំអន ឧបនាយករដ្ឋមន្ត្រី សូមស្នើយោបល់ឲ្យដាក់«ថ្ងៃរំឮកគុណអង្គរ» ជា «ទិវាបុណ្យជាតិ» នៅថ្ងៃខាងមុខ។
សូមស្តាប់ប្រសាសន៍ របស់ រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច លោកស្រី ម៉ែន សំអន ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ