លោក អ៊ឹង ឌីប៉ូឡា ៖ ការបូមខ្សាច់ បានជួយស្តារទន្លេ និងជួយដល់ការអភិវឌ្ឍ ហើយជាប្រភពចំណូលចូលជាតិ
ថ្មីៗនេះ រដ្ឋាភិបាល យល់ព្រមឱ្យ GLOBAL GREEN (CAMBODIA) ENERGY DEVELOPMENT CO., LTD. បូមខ្សាច់ផ្គត់ផ្គង់ក្នុងស្រុក ហើយ ក៏អនុញ្ញាតឱ្យនាំចេញទៅក្រៅប្រទេស។ គិតត្រឹមចុងឆ្នាំ២០២១នេះ ក្រសួងរ៉ែនិងថាមពល បានផ្តល់អាជ្ញាបណ្ណ បូមខ្សាច់ ស្តារផ្លូវនាវាចរណ៍តាមដងទន្លេ ដល់ក្រុមហ៊ុន ចំនួនជាង ៥០ ។ ក្រុមហ៊ុនទាំងនោះ រកស៊ីបូមខ្សាច់ នៅខេត្តព្រៃវែង ខេត្តកណ្តាល ត្រង់តំបន់រកាកោង នៅកំពង់ចាម ត្រង់ស្រុកកងមាស និង តំបន់កោះប៉ែន ហើយនៅ ខេត្តក្រចេះ ជាដើម។ នេះបើតាមលោក អ៊ឹង ឌីប៉ូឡា អគ្គនាយក នៃអគ្គនាយកដ្ឋានធនធានរ៉ែ ដែលបន្តឲ្យដឹងទៀតថា ទំហំទីតាំងបូមខ្សាច់ មានទំហំប្រហែលជាជាង ២ ភាគរយប៉ុណ្ណោះ នៃផ្ទៃទន្លេ។ អ្នកនាំពាក្យក្រសួងរ៉ែនិងថាមពល រូបនេះ អះអាងថា ការបូមខ្សាច់ បានជួយដល់ការអភិវឌ្ឍ ការសងសង់ ជាប្រភពចំណូលចូលជាតិ និងជួយស្តារទន្លេផង។
ចុះផ្សាយនៅថ្ងៃ៖
សូមស្តាប់ប្រសាសន៍របស់ លោក អ៊ឹង ឌីប៉ូឡា ៖
សូមបញ្ជាក់ថា ជាផ្លូវការ គឺមានក្រុមហ៊ុនពីរប៉ុណ្ណោះ ដែលមានសិទ្ធិនាំខ្សាច់ចេញ គឺក្រុមហ៊ុន GLOBAL GREEN (CAMBODIA) ENERGY DEVELOPMENT CO., LTD. និងក្រុមហ៊ុនចតុមុខ រឺសសស៍សឹបផ្លាយ អ៊ីមផត អិចផត។ នេះបើតាម អគ្គនាយកដ្ឋានធនធានរ៉ែ នៃ ក្រសួងរ៉ែនិងថាមពល ដែលបញ្ជាក់ទៀតថា ក្នុងមួយឆ្នាំៗ ខ្សាច់ដែលមិនត្រូ វតម្រូវការក្នុងស្រុក គឺត្រូវនាំចេញ តាមច្រកតែមួយគត់ គឺច្រកក្អមស្រណ ហើយសម្រាប់លក់ឲ្យគ្រប់ប្រទេសទាំងអស់ ដែលចង់ទិញខ្សាច់កម្ពុជា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ