នាយករដ្ឋមន្ត្រី ប្រាប់ឲ្យអភិបាលខេត្តសងលុយខ្លួនឯងទៅក្រុមហ៊ុនលីឈួង បើមិនចង់បាត់បង់តំណែង
ក្នុងពិធីបើកការដ្ឋានគម្រោងសាងសង់ផ្លូវជាតិលេខ៤៨ ប្រវែង១៤៨គីឡូម៉ែត្រ ក្រោមឥណទានសម្បទានពីរដ្ឋាភិបាលកូរ៉េខាងត្បូង នាព្រឹកថ្ងៃចន្ទនេះ នៅខេត្តកោះកុង លោកនាយករដ្ឋមន្ត្រី ហ៊ុន សែន បានដាក់ចេញបទបញ្ជាដាច់ណាត់ ទៅកាន់អភិបាលខេត្តណា ដែលបាន និងកំពុងចាយថវិកាជាតិខុសគោលការណ៍ជាមួយក្រុមហ៊ុនសាងសង់ លី ឈួង ត្រូវសងបំណុលនោះដោយខ្លួនឯង ក្នុងរយៈពេល២០ឆ្នាំ។ ចំពោះគម្រោងណាដែលបានចុះហត្ថលេខាហើយពុំទាន់អនុវត្តវិញ ត្រូវលុបចេញជាបន្ទាន់។ សម្រាប់លោក ហ៊ុន សែន ការចំណាយថវិកាជាតិខុសគោលការណ៍ពីសំណាក់មន្ត្រីខ្លួន មិនមែនជារឿងថ្មីទេ ក៏ប៉ុន្តែសម្រាប់ឆ្នាំ២០២២នេះ លោកចាំបាច់ត្រូវបញ្ជាដាច់ខាត លុបបំបាត់ចោលទង្វើបែបពុករលួយដុះស្នឹមនេះ។ លោកនាយករដ្ឋមន្រ្តីបន្ថែមថា លោកពុំទាន់ឈានដល់ការធ្វើវិសោធនកម្មលើការអនុវត្តគម្រោងសាងសង់ហេដ្ឋារចនាសម្ព័ន្ធនានានៅតាមថ្នាក់ក្រោមជាតិនោះទេ តែលោកព្រមានដកដំណែងអភិបាលខេត្តណាមួយដែលនៅបន្តសកម្មភាពនោះទៀត៕
ចុះផ្សាយនៅថ្ងៃ៖
សូមស្តាប់ប្រសាសន៍លោក ហ៊ុន សែន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ