ពលករខ្មែរនៅតែបន្តចូលទៅធ្វើការនៅថៃដោយខុសច្បាប់ដើម្បីក្រពះ និងរកលុយសងបំណុល
ពលករអន្តោប្រវេសន៍ខ្មែរ ដែលមិនមានឯកសារគ្រប់គ្រាន់ ឬពលករខុសច្បាប់នៅតែព្យាយាមចូលទៅក្នុងប្រទេសថៃ ដើម្បីស្វែងរកការងារធ្វើជារៀងរាល់ថ្ងៃ បើទោះណាជាប្រទេសថៃនៅបន្តរឹតបន្តឹង ដោយសារការឆ្លងរាលដាលនៃជំងឺកូវីដ-១៩ ប្រភេទអូមីក្រុងក៏ដោយ។ ពួកគេបានចំណាយថវិកាប្រមាណជិត១ពាន់បាត ប្រហែល២០០ដុល្លារ ដើម្បីបានចូលទៅដល់គោលដៅការងារនៅក្នុងប្រទេសថៃ ដោយខ្លះមានសុវត្ថិភាព ខ្លះត្រូវសមត្ថកិច្ចថៃចាប់បានហើយដាក់ទោសទណ្ឌ និងបញ្ជូនត្រលប់មកកម្ពុជាវិញ។ លោក លឹង សុផុន មន្ត្រីសិទ្ធិការងារទទួលបន្ទុកផ្នែកពលករចំណាកស្រុករបស់អង្គការសង់ត្រាល់ ប្រចាំប្រទេសថៃ ថ្លែងប្រាប់វិទ្យុបារាំង RFI នៅថ្ងៃនេះថា ការណ៍ដែលពលករអន្តោប្រវេសន៍ខ្មែរ នៅតែព្យាយាមចូលទៅរកការងារធ្វើនៅក្នុងប្រទេសថៃក៏ដោយសារ ពួកគេមិនមានការងារធ្វើនៅក្នុងប្រទេសកំណើត ឬក៏មានការងារដែរតែមានប្រាក់ឈ្នួលថោក និងមួយវិញទៀត ពលករខ្មែរក៏ប្រឈមនឹងការជំពាក់បំណុលគេផងដែរ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក លឹង សុផុន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ