មេធាវីការពារក្តីមេដឹកនាំសហជីពណាហ្គា នឹងជួបជជែកគ្នាដំបូងនៅសប្តាហ៍នេះ ក្រោយចប់ចត្តាឡីស័ក
អស់រយៈពេល១សប្តាហ៍ហើយដែលមេធាវីការពារក្តីឲ្យមេដឹកនាំសហជីពចំនួន៨រូប បានដាក់ពាក្យបណ្តឹងឧទ្ធរណ៍ប្រឆាំងនឹងការឃុំខ្លួនមេដឹកនាំសហជីពដែលមានវិវាទការងារជាមួយនឹងក្រុមហ៊ុនណាហ្គាវើលដ៍។លោក សំ ចំរើន ជាមេធាវីមួយរូបក្នុងចំណោមមេធាវី៥រូប ដែលការពារក្តីឲ្យមេដឹកនាំសហជីព បានថ្លែងប្រាប់វិទ្យុបារាំង RFI នៅថ្ងៃចន្ទនេះថា លោកនឹងជម្រុញនីតិវិធីបណ្តឹងឧទ្ធរណ៍នេះឲ្យបានលឿន ដើម្បីផលប្រយោជន៍កូនក្តីរបស់លោក។ ដោយឡែកចំពោះសុខទុក្ខ និងស្ថានភាពរបស់មេដឹកនាំទាំង៨រូប ដែលកំពុងត្រូវបានឃុំខ្លួននៅក្នុងពន្ធនាគារ លោកមេធាវី សំ ចំរើន បញ្ជាក់ថាក្រុមរបស់លោកនៅមិនទាន់បានជួបប្រាស្រ័យពិភាក្សាគ្នានៅឡើយ ដោយសារមេដឹកនាំសហជីពត្រូវដាក់ឲ្យស្ថិតនៅក្នុងដំណាក់កាលចក្តាឡីស័កនៃពន្ធនាគារ។
ចុះផ្សាយនៅថ្ងៃ៖
សូមស្តាប់ការបញ្ជាក់របស់លោកមេធាវី សំ ចំរើន៖
សូមរំលឹកថា មេដឹកនាំ និងសកម្មជនសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ចំនួន៨រូប ត្រូវអាជ្ញាធរចាប់ខ្លួនជាបន្តបន្ទាប់អំឡុងពេលឆ្លងឆ្នាំថ្មីឆ្នាំសកល និងដើមខែមករានេះ ដោយតុលាការចោទប្រកាន់ពីបទញុះញង់តាមមាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌ។ កាលពីដើមខែនេះដែរ អង្គការអន្តរជាតិខាងការងារ(ILO) ក៏បានស្នើឲ្យលោកនាយករដ្ឋមន្ត្រី ហ៊ុន សែន ប្រើប្រាស់អំណាចរបស់លោក ដោះលែងមេដឹកនាំសហជីពកម្មករ នៃក្រុមហ៊ុន ណាហ្គាវើលដ៍ និងស្នើឲ្យទំលាក់ចោលបទចោទទាំងអស់ប្រឆាំងពួកគេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ