លោក ហ៊ុន សែន លាក់សំបុត្រលោក ចូ បៃដិន ដើម្បីគ្រប់គ្រងការវិភាគនយោបាយ
នៅក្នុងពិធីសម្ពោធដាក់ឱ្យប្រើប្រាស់កំណាត់ផ្លូវជាតិលេខ៧ ប្រវែង៩៤គីឡូម៉ែត្រ នៅស្រុកសំបូរ ខេត្តក្រចេះ នាព្រឹកថ្ងៃចន្ទនេះ លោកនាយករដ្ឋមន្ត្រី ហ៊ុន សែន បានបង្ហើបថាតាមពិតលោកទទួលបានលិខិតរបស់ប្រធានាធិបតីអាមេរិក ចូ បៃដិន តាំងពីថ្ងៃទី១៤ ខែមករាមកម្លេះ។ តាមលោក ហ៊ុន សែន ការដែលលោកមិនបញ្ចេញព័ត៌មានជុំវិញលិខិតលោក ចូ បៃដិន ក៏ព្រោះតែលោកចង់សាកល្បងគ្រប់គ្រងសភាពការណ៍នៃការធ្វើអត្ថាធិប្បាយរបស់អ្នកវិភាគ ដែលលោកយល់ថាជាការវិភាគបែបអវិជ្ជមាន ដូចជាអាមេរិកលុបចោលកិច្ចប្រជុំអាស៊ាន-អាមេរិក ដោយសារមិនពេញចិត្តប្រធានអាស៊ានជាដើម។
ចុះផ្សាយនៅថ្ងៃ៖
លោកនាយករដ្ឋមន្ត្រី ហ៊ុន សែន៖
សូមរំលឹកថា ប្រធានាធិបតីអាមេរិក លោក ចូ បៃដិន កាលពីថ្ងៃទី១៤ ខែមករា ឆ្នាំ២០២២ បានផ្ញើលិខិតមួយច្បាប់មកលោកនាយករដ្ឋមន្ត្រី ហ៊ុន សែន ដោយលើកឡើងអំពីការទន្ទឹងរង់ចាំស្វាគមន៍លោក ហ៊ុន សែន ទៅចូលរួមកិច្ចប្រជុំពិសេសអាស៊ាន-អាមេរិក នៅរដ្ឋធានីវ៉ាស៊ីនតោន សហរដ្ឋអាមេរិក។ លិខិតប្រធានាធិបតីអាមេរិកបញ្ជាក់ថា រដ្ឋបាលរបស់លោក ទន្ទឹងរង់ចាំធ្វើការជាមួយកម្ពុជា ក្នុងនាមជាប្រធានអាស៊ាន សម្រាប់ឆ្នាំ២០២២ ក៏ប៉ុន្តែលិខិតនេះ ទើបតែត្រូវបានបញ្ចេញដល់ដៃប្រព័ន្ធផ្សព្វផ្សាយក្នុងស្រុកកាលពីថ្ងៃអាទិត្យ ទី៦កុម្ភៈម្សិលមិញ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ