លោក ងិន ឆាយ៖ កម្ពុជាផ្គត់ផ្គង់បន្លែជាមធ្យមបាន៧០% ខណៈផ្ទះសំណាញ់ដាំបន្លែមានជិត២ពាន់
នៅក្នុងសន្និសីទកាសែតដែលរៀបចំដោយអង្គភាពអ្នកនាំពាក្យរដ្ឋាភិបាលនាព្រឹកថ្ងៃសុក្រនេះ ស្តីពី«លក្ខខណ្ឌគុណភាពឆ្លើយតប និងការនាំចេញកសិផល ទាក់ទងនឹងកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និងចិន» លោក ងិន ឆាយ ប្រតិភូរាជរដ្ឋាភិបាលទទួលបន្ទុកអគ្គនាយកកសិកម្មនៃក្រសួងកសិកម្ម បានថ្លែងថា បច្ចុប្បន្នកម្ពុជាមានការផ្គត់ផ្គង់បន្លែជាមធ្យមបានប្រមាណជា៧០%។ នេះបើតាមការសិក្សារបស់ក្រុមឯករាជ្យមួយឈ្មោះថា CTS។ តាមលោក ងិន ឆាយ ការផ្គត់ផ្គង់បន្លែគីអាស្រ័យទៅតាមរដូវ គឺរដូវភ្លៀងខ្លាំង និងក្តៅខ្លាំង កម្ពុជាផ្គត់ផ្គង់បន្លែបានប្រមាណពី៥៥ ទៅ៦០%។ ក៏ប៉ុន្តែនៅរដូវរំហើយ ដែលអំណោយផល កម្ពុជាផ្គត់ផ្គង់បន្លែលើទីផ្សារខ្លួនឯងបានរហូតដល់៨០% ជាពិសេសប្រភេទបន្លែស្លឹក។ ទោះយ៉ាងណា លោក ងិន ឆាយ បញ្ជាក់ថាក្រសួងកសិកម្មកំពុងតែរៀបចំយុទ្ធសាស្ត្របង្កើនផលិតកម្មបន្លែសុវត្ថិភាព ដោយបច្ចុប្បន្នមានផ្ទះសំណាញ់ដាំបន្លែជិត២ពាន់ហើយ។
ចុះផ្សាយនៅថ្ងៃ៖
សូមស្តាប់ប្រសាសន៍លោក ងិន ឆាយ៖
សូមបញ្ជាក់ថា បច្ចុប្បន្នកម្ពុជាមានតម្រូវការបន្លែក្នុងស្រុកប្រចាំឆ្នាំប្រមាណ ១លានតោន ប៉ុន្តែការផលិតនិងផ្គត់ផ្គង់ក្នុងស្រុកបានប្រមាណ ០,៧៥លានតោនប៉ុណ្ណោះ នេះបើតាមតួលេខកាលពីឆ្នាំទៅ ជាហេតុនាំឲ្យកម្ពុជាចាំបាច់ត្រូវនាំបន្លែចូលពីប្រទេសជិតខាងមួយចំនួន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ