អភិបាលរងខេត្តព្រះសីហនុ៖ ស្ត្រីជនជាតិថៃបានសារភាពនិងសុំទោសចំពោះប្រឌិតករណីយកសរីរាង្គ
អភិបាលរងខេត្តព្រះសីហនុ លោក ឡុង ឌីម៉ង បានបញ្ជាក់ប្រាប់វិទ្យុបារាំងអន្តរជាតិនៅរសៀលនេះថា ស្ត្រីជនជាតិថៃមួយរូបបានសារភាពថានាងបានប្រឌិតករណីបូមយកឈាម និងវះយកសរីរាង្គនៅខេត្តព្រះសីហនុ ក្នុងគោលបំណងអោយនគរបាលថៃជួយអោយនាងបានទៅប្រទេសថៃវិញ ក្រោយពីលួចឆ្លងដែនចូលមកធ្វើការនៅប្រទេសកម្ពុជាដោយខុសច្បាប់។ បើតាមលោកអភិបាលរងខេត្តព្រះសីហនុ ស្ត្រីជនជាតិថៃនោះ បានសារភាពទទួលកំហុស និងសុំទោសជាសារធារណៈ នៅក្នុងសន្តិសារព័ត៌មានរួមរវាងអគ្គស្នងការដ្ឋាននគរបាលជាតិកម្ពុជា និងអគ្គស្នងការដ្ឋាននគរបាលភូមិន្ទថៃ នៅទីក្រុងបាំងកក នៅថ្ងៃសុក្រទី១៨មីនាម្សិលមិញនេះ។ ចំពោះលោកអភិបាលរងខេត្តព្រះសីហនុ លោកពិតជាសោកស្តាយខ្លាំងណាស់ដែលស្ត្រីរូបនោះបានសម្អុយកេរ្ត៍ឈ្មោះកម្ពុជាយ៉ាងដូច្នេះ។
ចុះផ្សាយនៅថ្ងៃ៖
សូមបន្តស្តាប់ប្រសាសន៍លោក ឡុង ឌីម៉ង៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ