យុវជន១ក្រុមដាក់ញត្តិនៅស្ថានទូតរុស្ស៊ី ស្នើសុំឲ្យពូទីនបញ្ឈប់ការឈ្លានពានអ៊ុយក្រែន
យុវជនមួយក្រុមដែលមានគ្នា៥នាក់ នៅព្រឹកថ្ងៃអង្គារនេះ បានដាក់ញត្តិមួយច្បាប់ទៅកាន់ស្ថានទូតរុស្ស៊ីប្រចាំនៅកម្ពុជាដើម្បីប្រឆាំងនឹងការឈ្លានពានរបស់រុស្ស៊ីទៅលើអ៊ុយក្រែន។ ខ្លឹមសារនៃញត្តិបានអំពាវនាវដល់ប្រធានាធិបតីរស្ស៊ី លោក វ៉ាឡាឌីមៀ ពូទីន ឲ្យបង្កើតបទឈប់បាញ់ បញ្ឈប់ការប្រើកំលាំងប្រដាប់អាវុធ ហើយត្រូវជំនួសមកវិញដោយការចរចាគ្នាដោយសន្តិវិធី។ លើសពីនេះ ក្រុមយុវជនក៏អំពាវនាវផងដែរ ដល់មេដឹកនាំរុស្ស៊ីឲ្យបង្កលក្ខណៈងាយស្រួលដល់សកម្មភាពផ្គត់ផ្គង់ និងចែកចាយជំនួយមនុស្សធម៌ទៅកាន់ប្រជាជនស៊ីវិលអ៊ុយក្រែន។ នេះបើតាមលោក កើត សារ៉ាយ តំណាងសមាគមនិស្សិតបញ្ញវន្តខ្មែរ។ ទោះយ៉ាងណាក្រុមសកម្មជនយុវជនមានការសោកស្តាយ ដោយតំណាងស្ថានទូរុស្ស៊ីមិនបានទទួលញត្តិរបស់ពួកទេ។
ចុះផ្សាយនៅថ្ងៃ៖
សូមស្តាប់លោក កើតសារ៉ាយ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ