អាជ្ញាធរព្រួយបារម្ភចំពោះល្បិចថ្មីរបស់ឧក្រិដ្ឋជនផលិតគ្រឿងញៀនលក់ក្នុងតម្លៃថោកដើម្បីអូសទាញអ្នកប្រើប្រាស់
អាជ្ញាធរជាតិប្រយុទ្ធប្រឆាំងគ្រឿងញៀនបានកត់សម្គាល់ថា រយៈពេល៣ខែនៃឆ្នាំ២០២២នេះ អាជ្ញាធរបង្ក្រាបបានបទល្មើសជួញដូរគ្រឿងញៀនធំៗ និងបានរឹបអូសថ្នាំញៀនក្នុងបរិមាណមួយច្រើនផងដែរ។ ជាក់ស្ដែងកាលពីថ្ងៃទី១២មីនា បុរសខ្មែរម្នាក់និងអាមេរិកាំងម្នាក់ ត្រូវបានចៅក្រមស៊ើបសួរនៃតុលាការរាជធានីភ្នំពេញ ចេញដីកាឃុំក្នុងពន្ធនាគារព្រៃសពាក់ព័ន្ធជួញដូរគ្រឿងញៀនជាង៤០គីឡូក្រាម។ ថ្លែងប្រាប់វិទ្យុបារាំងអន្តរជាតិនៅថ្ងៃទី១២មេសានេះ លោក មាស វីរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀនក្រសួងមហាផ្ទៃបង្ហាញក្ដីព្រួយបារម្ភចំពោះនិន្នាការថ្មី នៃការប្រើប្រាស់គ្រឿងញៀនដោយក្រុមឈ្មួញជួញដូរគ្រឿងញៀនធ្វើឲ្យតម្លៃគ្រឿងញៀនធូរថ្លៃ ដែលជាផ្នែកមួយជម្រុញឲ្យមានការប្រើប្រាស់មានការកើនឡើង។
ចុះផ្សាយនៅថ្ងៃ៖
សូមស្ដាប់ការលើកឡើងរបស់លោក មាស វីរិទ្ធិ៖
សូមជម្រាបជូនថា នៅក្នុង២០២១ មានមនុស្សជិត១៤.០០០នាក់ត្រូវបានចាប់ខ្លួនពីបទល្មើសគ្រឿងញៀន ហើយគ្រឿងញៀនជាង៤តោនត្រូវបានរឹបអូស។ បើតាមលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បច្ចុប្បន្នកម្ពុជាមានសារធាតុគីមីផ្សំជាគ្រឿងញៀនជាង៣០០តោនត្រូវបានរក្សាទុកក្នុងឃ្លាំង ដើម្បីរកសារធាតុគីមីម្យ៉ាងទៀតមកបំប្លែងបន្សាប មុននឹងយកទៅកប់ ព្រោះមិនអាចកប់ដោយផ្ទាល់បានទេ ដោយសារវាមានជាតិពុល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ