លោក ហ៊ុន សែន ផ្តើមគំនិតឲ្យអាស៊ានដេញថ្លៃធ្វើម្ចាស់ផ្ទះ World Cup ២០៣៤ ឬ២០៣៨
លោកនាយករដ្ឋមន្ត្រី ហ៊ុន សែន ក្នុងនាមជាប្រធានសហគមន៍ប្រជាជាតិអាស៊ីភាគអគ្នេយ៍ ឬអាស៊ាន នឹងផ្តួចផ្តើមជម្រុញឲ្យអាស៊ានដាក់បេក្ខភាពដេញថ្លៃទទួលធ្វើជាម្ចាស់ផ្ទះនៃការរៀបចំការប្រកួតកីឡាបាល់ទាត់ពិភពលោក(World Cup) នៅឆ្នាំ២០៣៤ ឬឆ្នាំ២០៣៨ខាងមុខ។ ការលើកឡើងរបស់លោក ហ៊ុន សែន ដូច្នេះ គឺធ្វើឡើងអំឡុងពេលដែលលោកបានទទួល និងលើកពានបាល់ទាត់ពិភពលោកនៅព្រឹកថ្ងៃពុធនេះនៅវិមានសន្តិភាព។ តាមរយៈសន្ទរកថាទទួលស្វាគមន៍លោក Christian Karembeu តំណាងបេសកជនពិសេសនៃសហព័ន្ធកីឡាបាល់ទាត់ពិភពលោក( FIFA) លោក ហ៊ុន សែន បញ្ជាក់ថាលោកនឹងស្នើសុំឲ្យបណ្តាប្រមុខរដ្ឋ ប្រមុខរដ្ឋាភិបាលអាស៊ានគាំទ្រគំនិតផ្តួចផ្តើមនេះឲ្យកា្លយជាការពិត។
ចុះផ្សាយនៅថ្ងៃ៖
សូមស្តាប់ប្រសាសន៍លោកនាយករដ្ឋមន្ត្រី ហ៊ុន សែន៖
សូមបញ្ជាក់ថាពានបាល់ទាត់ពិភពលោកដែលរចនាឡើងពីមាសសុទ្ធទំងន់ជាង ៦គីឡូក្រាម ត្រូវបានគេដង្ហែរមកដល់ប្រទេសកម្ពុជាតាមជើងយន្តហោះពិសេសនៅក្នុងទិសដៅមួយឆ្ពោះទៅកាន់ទីក្រុងដូហា ប្រទេសកាតា ជាទីដែលមានការរៀបចំប្រកួតបាល់ទាត់ពិភពលោកនៅចុងឆ្នាំ ២០២២នេះ។ សូមរំលឹកដែរថាចាប់តាំងពីការចាប់ផ្តើមប្រកួតបាល់ទាត់ពិភពលោកកាលពីឆ្នាំ ១៩៣០មក ទី្វបអាស៊ីទើបតែទទួលបានសិទ្ធិធ្វើជាម្ចាស់ផ្ទះរៀបចំកីឡាដ៏ពេញនិយមនេះចំនួន២លើកប៉ុណ្ណោះ គឺនៅឆ្នាំ ២០០២ ដែលមានការរៀបចំរួមគ្នារវាងកូរ៉េខាងត្បូង និងជប៉ុន និងលើកទី២ នៅឆ្នាំ២០២២នេះ នៅប្រទេសកាតា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ