អ្នកនាំពាក្យក្រសួងសាធារណការ៖ គម្រោងជួសជុលផ្លូវជាតិលេខ ៤ នឹងចាប់ផ្ដើមពេញលេញនៅចុងខែតុលានេះ
លោក គង់ វិមាន អ្នកនាំពាក្យក្រសួងសាធារណការនិងដឹកជញ្ជូន នៅថ្ងៃទី១០ ខែតុលា ឆ្នាំ ២០២២ បានថ្លែងប្រាប់វិទ្យុបារាំងអន្តរជាតិ RFI ថា ការជួសជុលផ្លូវជាតិលេខ ៤ នឹងត្រូវដំណើរការពេញលេញឡើងវិញ បន្ទាប់ពីមានការអាក់ខានមួយរយៈកន្លងមក ដោយសារការធ្លាក់ភ្លៀងនៅរដូវវស្សា។ អ្នកនាំពាក្យក្រសួងសាធារណការរូបនេះបន្ដថា ការកកស្ទះចរាចរណ៍នៅផ្លូវជាតិលេខ ៤ នឹងមានការកាត់បន្ថយ បន្ទាប់ពីដាក់ឱ្យដំណើរការជាផ្លូវការនូវផ្លូវល្បឿនលឿនភ្នំពេញ-ព្រះសីហនុ នាខែវិច្ឆិកាខាងមុខនេះ។
ចុះផ្សាយនៅថ្ងៃ៖
សូមស្ដាប់ការលើកឡើងរបស់ លោក គង់ វិមាន៖
គួរជម្រាបជូនថា បច្ចុប្បន្ននេះ នៅផ្លូវជាតិលេខ ៤ ពីចំណុច ចោមចៅទៅដល់ស្រុកអង្គស្នួល ខេត្តកណ្ដាល មានការកកស្ទះចរាចរណ៍ខ្លាំង ជាពិសេសនៅពេលព្រឹក ពេលថ្ងៃត្រង់ និងពេលរសៀល ដោយសារជាទីប្រជុំជន និងមានបណ្ដុំរោងចក្រ។ នេះបើតាមការលើកឡើងលោក គង់ វិមាន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ