លោក ហ៊ុន សែន៖ អាស៊ានមិនមែនជាកូនជឹងរបស់អ្នកណាទេ ហើយកម្ពុជាក៏មិនយកសាំងទៅចាក់លើភ្លើងឡើយ
ឆ្លើយតបទៅនឹងសំណួរអ្នកសារព័ត៌មានកាលពីល្ងាចម្សិលមិញនៅវិមានសន្តិភាព ដែលថាការទទួលយកអ៊ុយក្រែនជាដៃគូសន្ទនារបស់អាស៊ានអាចនឹងធ្វើឲ្យរុស្ស៊ីខឹងសម្បារឬយ៉ាងណានោះ លោកនាយករដ្ឋមន្ត្រី ហ៊ុន សែន បានបញ្ជាក់ថាអាស៊ានមិនមែនជាកូនជឹងរបស់អ្នកណាឡើយ។ លោក ហ៊ុន សែន បានឆ្លើយតបទៅនឹងសំណួរផ្សេងៗទៀតពាក់ព័ន្ធនឹងបញ្ហាអ៊ុយក្រែននេះ ថាកម្ពុជានឹងមិនយកសាំងទៅចាក់លើភ្លើងទេ ដែលការលើកឡើងនេះសំដៅទៅលើជំនួយយោធាដល់អ៊ុយក្រែន អំឡុងពេលដែលអ៊ុយក្រែនកំពុងប្រយុទ្ធតតាំងជាមួយការឈ្លានពានរបស់រុស្ស៊ី។
ចុះផ្សាយនៅថ្ងៃ៖
សូមស្តាប់ប្រសាសន៍លោកនាយករដ្ឋមន្ត្រី ហ៊ុន សែន៖
សូមរំលឹកថាកម្ពុជា ថ្វីត្បិតតែមិនមានការផ្តល់ជាអាវុធទៅកាន់អ៊ុយក្រែនមែន ក៏ប៉ុន្តែក្នុងនាមជាប្រធានអាស៊ានប្តូរវេនឆ្នាំ២០២២នេះ កម្ពុជាបានចូលរួមជាប្រទេស Co-sponsors បោះឆ្នោតថ្កោលទោសការឈ្លានពានរបស់រុស្ស៊ីទៅលើអ៊ុយក្រែននៅអង្គការសហប្រជាជាតិដល់ទៅ២ដងផងដែរ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ