លោក ហ៊ុន សែន អះអាងជាថ្មីថា លោកប្រធានាធិបតីចូ បៃដិន មិនបាននិយាយពីករណី សេង ធារី
នៅក្នុងពិធីបិទសន្និបាតជាតិខួប៣០ឆ្នាំ នៃសកម្មភាពមីននៅកម្ពុជា នៅព្រឹកថ្ងៃអង្គារនេះ ប្រមុខរដ្ឋាភិបាលកម្ពុជា អះអាងជាថ្មីទៀតថា លោក ចូ បៃឌិន ប្រធានាធិបតីអាមេរិក មិនបានលើកពីករណីដោះលែង សេង ធារី មេធាវីខ្មែរសញ្ជាតិអាមេរិកាំងនោះទេ នៅក្នុងជំនួបទ្វេរភាគីមុនកិច្ចប្រជុំកំពូលអាស៊ាននៅពេលថ្មីៗនេះ។ ប៉ុន្តែលោក ហ៊ុន សែន បានទទួលស្គាល់ថា លោក ចូ បៃឌិន បានជំរុញឲ្យបើកលំហប្រជាធិបតេយ្យ សម្រាប់ការបោះឆ្នោតនៅពេលខាងមុខ និងបញ្ហាមីននៅកម្ពុជា ដែលត្រូវបាននាយករដ្ឋមន្ត្រីកម្ពុជាលើកឡើងនៅចំពោះមុខលោក ចូ បៃឌិន។
ចុះផ្សាយនៅថ្ងៃ៖
សូមស្តាប់ប្រសាសន៍លោកនាយករដ្ឋមន្រ្តី ហ៊ុន សែន៖
ទោះជាយ៉ាងណា ព័ត៌មានដែលបញ្ចេញដោយសេតវិមានរបស់ប្រធានាធិបតីអាមេរិក បានគូសបញ្ជាក់ថា នៅក្នុងជំនួបទ្វេរភាគីជាមួយលោកនាយករដ្ឋមន្ត្រី ហ៊ុន សែន នៅថ្ងៃទី១២វិច្ឆិកា គឺលោក ចូ បៃឌិន បានអំពាវនាវឲ្យដោះលែងអ្នកទោសមនសិកា ពិសេស កញ្ញា សេង ធារី មេធាវីខ្មែរសញ្ជាតិអាមេរិកាំង និងជំរុញការបើកលំហសិទ្ធិពលរដ្ឋ និងសិទ្ធិនយោបាយសម្រាប់ការបោះឆ្នោតឆ្នាំ២០២៣។
ការជំរុញរបស់លោក ចូ បៃឌិន គឺដូចគ្នាទៅនឹងការស្នើទាំងឡាយរបស់គណបក្សប្រឆាំង និងក្រុមអង្គការស៊ីវិលនៅកម្ពុជា ដែលស្វែងរកកិច្ចអន្តរាគមន៍ពីលោក ចូ បៃឌិន ខណៈប្រធានាធិបតីអាមេរិកធ្វើដំណើរមកកាន់កម្ពុជាដោយកម្រជាលើកទី១នេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ