សហគមន៍ការពារព្រៃឈើកម្ពុជានៅសន្និសីទអន្តរជាតិស្តីពីជីវចម្រុះ COP15 នៅទីក្រុងម៉ុងរ៉េអាល់
នៅក្នុងសន្និសីទអន្តរជាតិស្តីពីប្រព័ន្ធជីវចម្រុះ នៅទីក្រុងម៉ុងត៍រ៉េអាល់ ប្រទេសកាណាដា បណ្តាសហគមន៍ជនជាតិដើមភាគតិច កំពុងតែព្យាយាមយ៉ាងសកម្ម ដើម្បីទាមទារឲ្យរដ្ឋាភិបាល មិនត្រឹមតែគិតគូរអំពីផលវិបាក ដែលកើតឡើងដោយសារការសឹករិចរឹល ឬបាត់បង់ប្រព័ន្ធជីវចម្រុះនោះទេ ក៏ប៉ុន្តែ ក៏ត្រូវគិតគូរផងដែរ ដាក់បញ្ចូលតួនាទីរបស់ជនជាតិដើមភាគតិច និងប្រជាជនមូលដ្ឋាន ទៅក្នុងយន្តការការពារជីវចម្រុះ។
ចុះផ្សាយនៅថ្ងៃ៖
នៅក្នុងបទសម្ភាសន៍ជាមួយ លូស៊ីល ហ្គីមប៊ែរ (Lucile Gimberg) អ្នកយកព័ត៌មានរបស់វិទ្យុបារាំងអន្តរជាតិ លោកស៊ុត សាវន មកពីសហគមន៍ព្រៃឈើព្រះរកា ក៏ដូចជាលោក ហឿន សុភាព មកពីសហគមន៍ព្រៃឡង់ ដែលកំពុងមានវត្តមាននៅសន្និសីទអន្តរជាតិស្តីពីប្រព័ន្ធជីវចម្រុះនៅម៉ុងរ៉េអាល់ បានសម្តែងនូវការសោកស្តាយថា នៅពេលដែលតំបន់ព្រៃឈើត្រូវបានដាក់ជាតំបន់ការពារ ជនជាតិដើមភាគតិច និងប្រជាជននៅមូលដ្ឋាន បែរជាត្រូវរដ្ឋាភិបាលផាត់ចេញ ហាមឃាត់លែងឲ្យចូលរួមល្បាត ការពារព្រៃឈើទៅវិញ។
ប្រសាសន៍របស់លោក ស៊ុត សាវន និងលោក ហឿន សុភាព
សម្រាប់សហគមន៍ជនជាតិដើមភាគតិច ក៏ដូចជា ប្រជាជនដែលរស់នៅតាមមូលដ្ឋាន ការការពារព្រៃឈើ វាគឺជារឿងសំខាន់ ពីព្រោះថា នៅពេលដែលព្រៃឈើត្រូវបាត់បង់ គឺពួកគេ ដែលនឹងត្រូវរងនូវផលវិបាកមុនគេ។ ព្រះតេជគុណ ថូ ធូរស់ ប្រធានសង្ឃសហគមន៍រុក្ខាវ័ន បានមានសង្ឃដីកាថា ការបាត់បង់ព្រៃឈើ វានឹងធ្វើឲ្យប៉ះពាល់ទៅដល់ការគោរពជំនឿប្រពៃណីរបស់ជនជាតិដើមភាគតិចនោះផង ហើយវាក៏ធ្វើឲ្យប៉ះពាល់ផងដែរ ចំពោះជីវភាពរបស់ពួកគេ។
សង្ឃដីកាព្រះតេជព្រះគុណ ថូ ធូរស់
ចំណែកលោក ហឿន សុភាព មកពីសហគមន៍ព្រៃឡង់វិញថា ការបាត់បង់ព្រៃនេះវាមិនត្រឹមតែធ្វើឲ្យប៉ះពាល់ត្រឹមតែប្រជាជននៅមូលដ្ឋានតែប៉ុណ្ណោះទេ ក៏ប៉ុន្តែ ជាពិសេសជាងនេះទៅទៀត វាធ្វើឲ្យប៉ះពាល់ទៅដល់បរិស្ថាននៅលើភពផែនដីរបស់យើងទាំងមូល។
ប្រសាសន៍របស់លោក លោក ហឿន សុភាព
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ