សមាគមន៍ម្រេចកំពតមិនសង្ឃឹមពីការនាំចេញម្រេចទៅចិន ខណៈក្រសួងកសិកម្មជម្រុញឲ្យចុះបញ្ជីរ
អគ្គនាយកដ្ឋានកសិកម្ម នៃក្រសួងកសិកម្ម កាលពីថ្ងៃទី១២ ខែធ្នូ ឆ្នាំ២០២២នេះ បានជំរុញឲ្យម្ចាស់ចំការម្រេច សហគមន៍កសិកម្មម្រេច និងម្ចាស់រោងចក្រកែច្នៃ វេចខ្ចប់ម្រេច ទៅចុះបញ្ជីរចម្ការនៅអគ្គនាយកដ្ឋានកសិកម្ម ដើម្បីនាំចេញម្រេចទៅចិន។ ជុំវិញការជម្រុញរបស់ក្រសួងកសិកម្មដូច្នេះ លោក ងួន ឡាយ ប្រធានសមាគមលើកស្ទួយម្រេចកំពត បានប្រាប់វិទ្យុបារាំងអន្តរជាតិ RFI នៅថ្ងៃពុធនេះថា លោកបានផ្សព្វផ្សាយទៅកសិករដាំម្រេចរួចហើយ តែចំពោះការនាំចេញម្រេចកំពតទៅចិននៅពេលខាងមុខ លោកមិនសង្ឃឹមថានឹងចរចាតម្លៃនាំចេញជោគជ័យឡើយ ខណៈម្រេចកំពតមានតម្លៃខ្ពស់។
ចុះផ្សាយនៅថ្ងៃ៖
សូមស្ដាប់ការលើកឡើងរបស់លោក ងួន ឡាយ៖
សូមបញ្ជាក់ថារយៈពេល១០ខែ ឆ្នាំ ២០២២នេះ កម្ពុជាបាននាំចេញម្រេចកំពតទៅក្រៅប្រទេសបានប្រមាណ ៦៥ តោន។ តាមប្រធានសមាគមលើកស្ទួយម្រេចកំពត តម្លៃម្រេចកំពតដែលមានម៉ាកសម្គាល់ភូមិសាស្ត្រនេះ គឺមិនមានការប្រែប្រួលអ្វីទេ គឺម្រេចខ្មៅនៅតែមានតម្លៃ១៥ដុល្លារ ក្នុង១គីឡូក្រាម ម្រេចក្រហមមានតម្លៃ២៥ដុល្លារ ក្នុង១គីឡូក្រាម រីឯម្រេចសវិញមានតម្លៃ២៨ ដុល្លារ ក្នុង១គីឡូក្រាម។ ជាទូទៅម្រេចកំពត អាចនាំចេញបានក្នុងរង្វង់ប្រមាណ ៧០តោនក្នុងមួយឆ្នាំៗ លើកលែងតែកាលពីឆ្នាំ២០២១ ម្រេចកំពតសម្រេចបានការនាំចេញសរុបចំនួនជាង១០០តោន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ