កម្ពុជាទទួលបានភ្ញៀវទេសចរអន្តរជាតិប្រមាណ ២,២លាននាក់ក្នុងឆ្នាំ២០២២
រយៈពេលមួយឆ្នាំពេញ ពោលគឺនៅឆ្នាំ២០២២នេះ មានភ្ញៀវទេសចរអន្តរជាតិបានមកលេងកម្សាន្តនៅកម្ពុជាប្រមាណ ២,២លាននាក់។ នេះបើយោងតាមរបាយការណ៍ប៉ាន់ស្មានរបស់ក្រសួងទេសចរណ៍ ខណៈក្នុងនោះភ្ញៀវទេសចរថៃឈរនៅលំដាប់លេខរៀងទី១ បន្ទាប់មកភ្ញៀវទេសចរវៀតណាមឈរនៅលំដាប់លេខរៀងទី២ និងភ្ញៀវទេសចរអាមេរិកឈរនៅលំដាប់លេខរៀងទី៣។
ចុះផ្សាយនៅថ្ងៃ៖
ស្តាប់ - ០២:១០
ក្នុងរបាយការណ៍ប៉ាន់ស្មានរបស់ក្រសួងទេសចរណ៍ បានឲ្យដឹងថា ភ្ញៀវទេសចរអន្តរជាតិ ២,២លាននាក់នេះ ក្នុងនោះភ្ញៀវទេសចរថៃមានចំនួនជិត ១៣ម៉ឺននាក់ ភ្ញៀវទេសចរវៀតណាមមានចំនួនជិត ៦ម៉ឺននាក់ និងភ្ញៀវទេសចរអាមេរិកមានចំនួន ១៥ ៧៦៧នាក់។ ក្រៅពីនេះភ្ញៀវទេសចរឡាវមានចំនួន ១៤ ៩៥៩នាក់ ចិនមានចំនួន ១៤ ៧៣៣នាក់ បារាំងមានចំនួន ៩៥៤៥នាក់ ឥណ្ឌូនេស៊ីមានចំនួន ៩០៤៥នាក់ កូរ៉េខាងតក្បូងមានចំនួន ៨ ៨៤៧នាក់ អង់គ្លេសមានចំនួន ៨០៦៩នាក់ និងម៉ាឡេស៊ីមានចំនួន ៦៤៧២នាក់។
របាយការណ៍ប៉ាន់ស្មាននេះ បើធៀបនឹងឆ្នាំ២០២១ ឃើញថា ភ្ញៀវទេសចរថៃកើនឡើងជាង៣២% បើធៀបនឹងឆ្នាំ២០២១ មានតែ ៤៤៤១នាក់។ ចំណែកភ្ញៀវទេសចរវៀតណាមកើនឡើងជាង ១៧% បើធៀបនឹងឆ្នាំ២០២១ មានតែ ៤៧៣២នាក់ និងភ្ញៀវទេសចរអាមេរិក កើនឡើងជាង ៤% បើធៀបនឹងឆ្នាំ២០២១ មានតែ ១០០៤នាក់។ ចំណែកភ្ញៀវទេសចរប្រទេសផ្សេងៗមានការកើនតិចតួចតែប៉ុណ្ណោះបើធៀបនឹងឆ្នាំ២០២១។
របាយការណ៍ប៉ានស្មាននេះ មិនសូវខុសគ្នាប៉ុន្មានទៅនឹងក្ដីរំពឹងរបស់ក្រសួងទេសចរណ៍កាលពីកន្លងទៅនោះទេ គឺរំពឹងទុកថានៅឆ្នាំ២០២២នេះ កម្ពុជានឹងទទួលបានភ្ញៀវទេសចរបរទេសមកកម្សាន្តក្នុងចន្លោះពី ១,៥លាននាក់ ទៅ២លាននាក់។
សូមបញ្ជាក់ថា ទាក់ទិនទៅនឹងការស្ដាវិស័យទេសចរណ៍ឡើងវិញក្រោយវិបត្តិជំងឺកូវីដ១៩នេះ រដ្ឋាភិបាលបានអនុគ្រោះជាច្រើនដល់ភ្ញៀវទេសចរបរទេសដែលចូលមកកម្សាន្តនៅកម្ពុជា ជាក់ស្ដែងកាលពីខែកញ្ញាកន្លងទៅ រាជរដ្ឋាភិបាលបានសម្រេចអនុញ្ញាតផ្តល់ជូនដល់ជនបរទេសទាំងអស់ ដែលកំពុងស្នាក់ កម្ពុជា ចាប់ពី២ឆ្នាំឡើងទៅ អាចស្នើសុំបណ្ណចូលទស្សនារមណីយដ្ឋានអង្គរ និងប្រាសាទកោះកែររយៈពេលមួយឆ្នាំម្តង ដោយមិនបង់ថ្លៃជាដើម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ