លោក ហ៊ុន សែន អំពាវនាវឱ្យប្រយុទ្ធប្រឆាំងនឹងអំពើរំលោភបំពានស្រ្ដី និងកុមារ
លោកនាយករដ្ឋមន្ត្រី ហ៊ុន សែន នៅថ្ងៃទី១ ខែមករា ឆ្នាំ២០២៣នេះ បានអំពាវនាវឱ្យរួមគ្នាប្រយុទ្ធប្រឆាំងអំពើរំលោភបំពាន និងការជួញដូរផ្លូវភេទស្រ្តី និងកុមារី ដែលជាសកម្មភាពផ្ទុយនឹងសីលធម៌មនុស្ស។ លោកនាយករដ្ឋមន្ត្រីអំពាវនាវដូច្នេះនៅក្នុងពីធីសម្ពោធអគារស្នាក់នៅ ក្នុងមជ្ឈមណ្ឌលបណ្ដុះបណ្ដាលវិជ្ជាជីវៈ និងស្ដារនីតិសម្បទាយុវនារី អាហ្វេស៊ីប (AFESIP)។
ចុះផ្សាយនៅថ្ងៃ៖
សូមស្ដាប់ការលើកឡើងរបស់លោកនាយករដ្ឋមន្ត្រី ហ៊ុន សែន
ជាមួយគ្នានេះ លោកនាយករដ្ឋមន្ត្រី ហ៊ុន សែន ក៏បានទទួលសំណើពីប្រធានអង្គការអាហ្វេស៊ីប(AFESIP) ដែលស្នើកុំឱ្យកុមាររងគ្រោះពីការរំលោភបំពានដែលមានអាយុតិចជាង ៥ឆ្នាំ ឡើងតុលាការ ដោយគ្រាន់តែឱ្យមានមេធាវីតំណាងតតាំងក្ដីជំនួសវិញ។ បើតាមលោក ហ៊ុន សែន ការដែលឱ្យកុមាររងគ្រោះទាំងនោះឡើងតុលាការនាំឱ្យពួកគេមានការភ័យខ្លាច ដែលនាំឱ្យប៉ះពាល់ដល់ផ្លូវចិត្តបន្ថែមទៀត។
គួរជម្រាបជូនថា លោកនាយករដ្ឋមន្រ្តី ហ៊ុន សែន នៅថ្ងៃទី៣១ខែធ្នូនេះ បានដកតំណែងអភិបាលរងខេត្តកែបមួយរូបភ្លាមៗ ក្រោយពីអភិបាលរងរូបនោះបានប្រព្រឹត្តអំពើហិង្សា និងបៀតបៀនលើស្រ្តី២រូប៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ