លោកហ៊ុន សែន៖ កម្ពុជា គ្មានសមត្ថភាពផ្តល់ជំនួយយោធា ដល់អ៊ុយក្រែនទេ!
លោកនាយករដ្ឋមន្ត្រីហ៊ុន សែន បានបញ្ជាក់ថា កម្ពុជា គ្មានសមត្ថភាពផ្តល់ជំនួយយោធា ដល់អ៊ុយក្រែនទេ! ការបញ្ជាក់របស់លោកប្រមុខដឹកនាំរដ្ឋាភិបាលកម្ពុជានេះ ជាការបន្ថែមលើសេចក្តីប្រកាសព័ត៌មានរបស់ក្រសួងការបរទេសកម្ពុជា ឆ្លើយតបនឹងការចុះផ្សាយរបស់ប្រព័ន្ធផ្សព្វផ្សាយបរទេសមួយ ដែលថាកម្ពុជា បានផ្តល់ជំនួយយោធាដល់អ៊ុយក្រែន។ ហើយចំពោះការបណ្តុះបណ្តាលដោះមីនវិញ ក៏ត្រូវបានលោកហ៊ុន សែន អះអាងថា ធ្វើឡើងតាមស្មារតីមនុស្សធម៌សុទ្ធសាធ ដោយកម្ពុជាស្វាគមន៍គ្រប់ប្រទេសទាំងអស់ រាប់ទាំងរុស្ស៊ីផង ប្រសិនបើចង់ទទួលបានចំណេះដឹងពីការដោះមីន ពីកម្ពុជា។ ការលើកឡើងរបស់លោកនាយករដ្ឋមន្ត្រីហ៊ុន សែន ទាំងនេះ បានធ្វើឡើង ក្នុងពេលលោកចូលរួមជាអធិបតី ក្នុងពិធីចែកសញ្ញាបត្រ ដល់និស្សិត នៅសាកលវិទ្យាល័យវេស្ទើន នាក្រុងភ្នំពេញ នាព្រឹកថ្ងៃព្រហស្បតិ៍ ទី ២៦មករានេះ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក ហ៊ុន សែន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ