កម្ពុជាចំណាយថវិកាជាង១២០លានដុល្លារ ដើម្បីរៀបចំស៊ីហ្គេមឆ្នាំ២០២៣
នៅក្នុងសន្និសីទកាសែតស្តីពីវឌ្ឍនភាពនៃការរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ នៅកម្ពុជានាព្រឹកថ្ងៃព្រហស្បតិ៍នេះ លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ បានថ្លែងបញ្ជាក់ថាកម្ពុជានឹងចំណាយថវិកាចំនួន១២៤លានដុល្លារ សម្រាប់រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣នេះ ដែលកម្ពុជាធ្វើជាម្ចាស់ផ្ទះ។ នេះមិនទាន់រាប់បញ្ចូលព្រឹត្តិការណ៍អាស៊ានប៉ារ៉ាហ្គេមផង ដែលការប្រកួតកីឡាជនពិការអាស៊ានភ្ជាប់គ្នានេះទាមទារឲ្យមានការចំណាយពី៣០ ទៅ៤០លានដុល្លារបន្ថែមទៀត។ ដោយបដិសេធការលើកឡើងមិនច្បាស់លាស់ពីប្រព័ន្ធផ្សព្វផ្សាយមួយចំនួនស្តីពីថវិកាចំណាយសម្រាប់ការរៀបចំនេះ លោក វ៉ាត់ ចំរើន បន្ថែមថាការចំណាយថវិការបស់កម្ពុជាក្នុងការរៀបចំព្រឹត្តិការណ៍កីឡាដ៏ធំនេះ គឺជាចំណាយប្រកបដោយការសន្សំសំចៃ ហើយជាការចំណាយទាបជាងគេ ក្នុងចំណោមប្រទេសដែលជាសមាជិកអាស៊ាន។
ចុះផ្សាយនៅថ្ងៃ៖
សូមស្តាប់ប្រសាសន៍លោក វ៉ាត់ ចំរើន៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ