កម្ពុជាស្វាគមន៍ទេសចរចិនយ៉ាងកក់ក្តៅ ដោយសារចិនទើបបើកប្រទេសឡើងវិញក្រោយកូវីដ១៩
កាលពីយប់ថ្ងៃទី៣ ខែមីនា ក្រសួងទេសចរណ៍កម្ពុជានិងស្ថាប័នពាក់ព័ន្ធ បានរៀបចំកម្មវិធីស្វាគមន៍ជើងហោះហើរដំបូងរបស់ក្រុមហ៊ុនអាកាសចរណ៍ China Eastern Airlines ចេញពីទីក្រុងសៀងហៃ ប្រទេសចិន ហោះហើរត្រង់មកកាន់ខេត្តសៀមរាប ដែលមានអ្នកដំណើរជនជាតិចិនចំនួន ១៣២នាក់។ នេះបើតាមក្រសួងទេសចរណ៍។ ចាប់តាំងពីចិនបានបើកប្រទេសឡើងវិញ នាដើមឆ្នាំ២០២៣នេះ ភ្ញៀវទេសចរចិនបានធ្វើដំណើរកម្ពុជាជាបន្តបន្ទាប់ និងថែមទាំងមានការទទួលស្វាគមន៍ពីក្រសួងទេសចរណ៍កម្ពុជានៅតាមព្រលានយន្តហោះជាបន្តបន្ទាប់។ ជើងហោះហើរពីប្រទេសចិន ឬភ្ញៀវទេសចរចិន ត្រូវបានទទួលការស្វាគមន៍យ៉ាងកក់ក្តៅធៀបនឹងទេសចរផ្សេងទៀត។ លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជា(CATA) បានថ្លែងប្រាប់វិទ្យុបារាំងអន្តរជាតិថា ដោយសារតែប្រទេសចិនទើបតែបើកប្រទេសឡើងវិញ ក្រោយវិបត្តិកូវីដ១៩ និងជាពិសេសមានជើងហោះហើរត្រង់ពីតំបន់ផ្សេងៗនៃប្រទេសចិន ចូលមកកម្ពុជា ហើយពួកគាត់សុទ្ធតែជាអ្នកទេសចរ។
ចុះផ្សាយនៅថ្ងៃ៖
13H00-Quote-Chhay Sivlin-05-03-2023
តាមការព្យាករឆ្នាំ២០២៣ ពីក្រសួងទេសចរណ៍ កម្ពុជាអាចនឹងទទួលទេសចរអន្តរជាតិប្រមាណ ៤លាននាក់ ក្នុងនោះមានទេសចរចិនប្រមាណ ៨០ម៉ឺន ទៅ១លាននាក់ ហើយខេត្តសៀមរាបអាចទទួលទេសចរចិន ៣០% នៃទេសចរចិនសរុបមកកម្ពុជា។ បច្ចុប្បន្នអាកាសយានដ្ឋានអន្តរជាតិសៀមរាបមានជើងហោះហើរជាមធ្យម ២៥០ជើង/សប្តាហ៍ និងមានទេសចរអន្តរជាតិជាមធ្យមចំនួនប្រមាណ ១,៧០០នាក់-១,៨០០នាក់/ថ្ងៃ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ