លោក អ៊ិន ចាន់នី៖ ការដួលរលំធនាគារនៅអាមេរិក នឹងមិនប៉ះពាល់ដល់ប្រព័ន្ធធនាគារនៅកម្ពុជាឡើយ
ប្រព័ន្ធធនាគារ និងសេដ្ឋកិច្ចសកលកំពុងប្រឈមទៅនឹងវិបត្តិ ក្រោយពេលដែលធនាគារសហរដ្ឋអាមេរិក ចំនួនបី បានដួលរលំជាបន្តបន្ទាប់គ្នា នៅប៉ុន្មានថ្ងៃចុងក្រោយនេះ។ នេះបើតាមការកត់សម្គាល់របស់សេដ្ឋវិទូ និងអ្នកជំនាញផ្នែកហិរញ្ញវត្ថុ។ ក៏ប៉ុន្តែសម្រាប់កម្ពុជា លោកបណ្ឌិត អ៊ិន ចាន់នី ប្រធានសមាគមធនាគារកម្ពុជា បានអះអាងថា ប្រព័ន្ធធនាគារកម្ពុជានៅតែបន្តរឹងមាំ ដោយមិនបានរងឥទ្ធិពលពីវិបត្តិធនាគារនៅអាមេរិកឡើយ។ តាមលោកបណ្ឌិត អ៊ិន ចាន់ នី នេះក៏ដោយសារប្រព័ន្ធធនាគារជាតិកម្ពុជា មានបទបញ្ញតិ្តតឹងរឹង ហើយអាជីវកម្មស្នូលនៃប្រព័ន្ធធនាគារនៅកម្ពុជា ក៏មិនបានពាក់ព័ន្ធនឹងអាជីវកម្មរូបិយប័ណ្ណអេឡិចត្រូនិក ឬ Crypto Currency នោះទេ។
ចុះផ្សាយនៅថ្ងៃ៖
សូមស្តាប់ការបញ្ជាក់របស់លោកបណ្ឌិត អ៊ិន ចាន់នី ប្រធានសមាគមធនាគារកម្ពុជា៖
សូមជម្រាបថា វិបត្តិធនាគារនៅអាមេរិក កំពុងបង្កការរំជើបរំជួលខ្លាំង នៅលើទីផ្សារភាគហ៊ុនអន្តរជាតិ ក្រោយធនាគារអាមេរិកចំនួន ៣ បានដួលរលំនៅក្នុងពេលតែប៉ុន្មានថ្ងៃប៉ុណ្ណោះ។ ស្ថានភាពបែបនេះ បានញ៉ាំងឲ្យមានការព្រួយបារម្ភថា នឹងក្លាយទៅជាវិបត្តិសេដ្ឋកិច្ចសកល ដូចកាលឆ្នាំ២០០៨។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ