លោក រ៉ុង ឈុន៖ «យើងនឹងវែកមុខឃាតករ និងអ្នកនៅពីក្រោយខ្នងមកផ្តន្ទាទោសនៅពេលគណបក្សភ្លើងទៀនឈ្នះឆ្នោត»
នៅក្នុងឱកាសប្រារព្ធពិធីសូត្រមន្តបង្សុកូលគោរពវិញ្ញាណក្ខន្ធដល់បាតុករដែលបានស្លាប់បាត់បង់ជីវិតនៅស្តូបជនរងគ្រោះខាងមុខអតីតរដ្ឋសភានាព្រឹកថ្ងៃទី៣០ ខែមីនានេះ លោក រ៉ុង ឈុន អនុប្រធានគណបក្សភ្លើងទៀនបានលើកឡើងថាគណបក្សភ្លើងទៀននឹងបង្កើតគណៈកម្មការមួយដើម្បីវែកមុខឃាតករដែលបានបោកគ្រាប់បែកចំនួន៤គ្រាប់លើក្រុមបាតុករ និងអ្នកនៅពីក្រោយខ្នងយកមកផ្តន្ទាទោសតាមច្បាប់ នៅពេលគណបក្សភ្លើងទៀនឈ្នះឆ្នោតនាពេលខាងមុខ។
ចុះផ្សាយនៅថ្ងៃ៖
សូមស្តាប់ការលើកឡើងរបស់លោក រ៉ុង ឈុន៖
សូមរំលឹកថាកាលពី២៦ឆ្នាំមុន គឺនៅថ្ងៃទី៣០ ខែមីនា ឆ្នាំ១៩៩៧ មានបាតុករ១ក្រុម ដែលដឹកនាំដោយលោក សម រង្ស៊ី ដែលកាលណោះជាប្រធានគណបក្សជាតិខ្មែរបានធ្វើបាតុកម្មទាមទារឲ្យមានកំណែទម្រង់ប្រព័ន្ធយុត្តិធម៌នៅក្នុងប្រទេសកម្ពុជានៅខាងមុខរដ្ឋសភាចាស់ បច្ចុប្បន្នជាតុលាការកំពូល។ ជាអកុសលគ្រាប់បែកចំនួន៤គ្រាប់ ត្រូវបានជនមិនស្គាល់មុខគប់ចូលទៅក្នុងក្រុមបាតុករបណ្តាលឲ្យស្លាប់យ៉ាងហោច១៦នាក់ និងរងរបួសជាង១០០នាក់។ សោកនាដកម្មនេះ គណបក្សប្រឆាំងចាប់តាំងពីអតីតគណបក្សសង្គ្រោះជាតិមក តែងធ្វើពិធីរំលឹកវិញ្ញាណក្ខន្ធជារៀងរាល់ឆ្នាំ រហូតមកដល់ពេលនេះគឺគណបក្សភ្លើងទៀនធ្វើបន្ត ដោយអំពាវនាវឲ្យរដ្ឋាភិបាល និងអាជ្ញាធរមានសមត្ថកិច្ចវែកមុខ និងចាប់ខ្លួនឃាតករពិត និងអ្នកនៅពីក្រោយខ្នងយកមកផ្តន្ទាទោសតាមច្បាប់ ដើម្បីផ្តល់យុត្តិធម៌ដល់ជនរងគ្រោះ ក៏ប៉ុន្តែ២៦ឆ្នាំហើយមិនមានពន្លឺអ្វីឡើយ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ