សកម្មជនសង្គម និងអ្នកនយោបាយប្រឆាំងចង់ឲ្យមានការផ្សះផ្សាជាតិក្រោយចូលឆ្នាំថ្មី
អង្គការ សមាគម ចំនួន៣ ចង់ឃើញគណបក្សនយោបាយ និងអ្នកគាំទ្រគ្រប់និន្នាការបែរមកបង្កើតវប្បធម៌សាមគ្គី អត់ឱន អធ្យាស្រ័យ និងផ្សះផ្សាជាតិ ដើម្បីវឌ្ឍនភាព និងសេចក្តីថ្លែថ្នូរ បន្ទាប់ពីពិធីបុណ្យចូលឆ្នាំថ្មីហើយ។ ចំណែក អ្នកនយោបាយប្រឆាំងវិញ ក៏ចង់ឃើញមានមេដឹកនាំប្រទេសដែលមានព្រហ្មវិហារធម៌ នៅក្រោយការបោះឆ្នោតខាងមុខនេះ។
ចុះផ្សាយនៅថ្ងៃ៖
ស្តាប់ - ០១:៣៤
នៅក្នុងសេចក្តីថ្លែងការណ៍នៅចំថ្ងៃទី១៧មេសាជាខួបនៃការឡើងកាន់អំណាចរបស់ពួកគេខ្មែរក្រហម កាលពីឆ្នាំ១០៩៧៥ អង្គការ សមាគមចំនួន៣ គឺបណ្តាញយុវជនកម្ពុជា សមាគមសម្ព័ន្ធនិស្សិតបញ្ញាវន្តខ្មែរ និងសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ពួកគេសង្ឃឹមថា គណបក្សនយោបាយ និងអ្នកគាំទ្រគ្រប់និន្នាការបែរមកបង្កើតវប្បធម៌សាមគ្គី អត់ឱន អធ្យាស្រ័យ និងផ្សះផ្សាជាតិ ដើម្បីវឌ្ឍនភាព និងសេចក្តីថ្លែថ្នូរ។
ដើម្បីបង្ហាញពីការបង្រួបបង្រួមសាមគ្គី ផ្សះផ្សា និងការអត់ឱន ពួកគេចង់ឃើញតុលាការដោះលែងអ្នកទោសមនសិកាទាំងអស់ រួមមាន សកម្មជនសង្គម សហជីព និងអ្នកនយោបាយឲ្យមានសេរីភាពវិញ។
ការលើកឡើងយ៉ាងដូច្នេះ ដោយសារតែអង្គការ សមាគមទាំងនោះ កត់សំគាល់ថា ការផ្លាស់ប្តូរវេនរបស់ទេវតាបានញាំងសេចក្តីរីករាយដល់មនុស្សលោកដែលជាសញ្ញាមួយបង្ហាញថា ពលរដ្ឋខ្មែរទាំង នគរ បានត្រៀមខ្លួនដើម្បីធ្វើរឿងថ្មីៗក្រោយចូលឆ្នាំថ្មីរួច។
ចំណែកលោក សម រង្ស៊ី ដែលចូលរួមកម្មវិធីចូលឆ្នាំខ្មែរនៅវត្តច័ន្ទរង្សី ក្នុងទីក្រុងប៉ារីស បានថ្លែងថា លោកជូនពរឲ្យប្រជាពលរដ្ឋខ្មែរមានសេចក្តី សេរីភាព និងជាពិសេសលោកចង់ឃើញមេដឹកនាំខ្មែរនៅក្រោយការបោះឆ្នោតនៅចុងខែកក្កដា២០២៣ខាងមុខនេះ ប្រកបដោយព្រហ្មវិហារធម៌។ រីឯគណបក្សភ្លើងទៀនបួងសួងឲ្យបញ្ចប់ជម្លោះនយោបាយតាមរយៈវប្បធម៌សន្ទនា ឆ្ពោះទៅឯកភាព និងលទ្ធិប្រជាធិបតេយ្យ សេរីពិតប្រាកដ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ