ប្រតិបត្តិករថា ទេសចរបរទេសផ្ដើមទិញកញ្ចប់ទស្សនកិច្ចមកកម្ពុជាជាដើម្បីទស្សនាស៊ីហ្គេម
នៅជាង១០ថ្ងៃទៀតប៉ុណ្ណោះព្រឹត្តការណ៍ស៊ីហ្គេមនឹងចូលមកដល់។ ចំពោះវិស័យទេសចរណ៍វិញ ទេសចរបរទេសផ្ដើមទិញកញ្ចប់ទស្សនកិច្ចមកប្រទេសកម្ពុជាជាបណ្ដើរៗហើយ ដើម្បីចូលរួមទស្សនាព្រឹត្តការណ៍ស៊ីហ្គេមនៅថ្ងៃទី៥ឧសភានាខែក្រោយនេះ។ នេះបើតាមព័ត៌មានផ្ដល់ដោយលោកស្រី ឆាយ ស៊ាវលីន ប្រធានសមាគមន៍ទីភ្នាក់ងារទេសចរកម្ពុជានៅថ្ងៃទី២៣មេសានេះ។ ជាមួយគ្នានេះលោកស្រីមើលឃើញថា កម្ពុជាបានត្រៀមរួចស្រេចក្នុងការទទួលបដិសណ្ឋាកិច្ចទេសចរបរទេសស្នាក់នៅអំឡុងពេលកម្ពុជារៀបចំព្រឹត្តការណ៍ស៊ីហ្គេមនិងអាស៊ានប៉ារ៉ាហ្គេម។
ចុះផ្សាយនៅថ្ងៃ៖
លោកស្រី ឆាយ ស៊ាវលីន
តាមរយៈព្រឹត្តការណ៍ឆ្នាំ២០២៣ ជាឆ្នាំទស្សនាកម្ពុជា (Visit Cambodia Year 2023) ដែលក្រសួងទេសចរណ៍រៀបចំឡើង ដើម្បីបង្កើនការផ្សព្វផ្សាយទេសចរណ៍ និងលើកកម្ពស់មុខមាត់កម្ពុជានៅតាមព្រឹត្តិការណ៍ថ្នាក់ជាតិនានា។ ជាពិសេស នាឱកាសដែលកម្ពុជាប្រារព្ធព្រឹត្តិការណ៍ប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣(SEA Games និង ASEAN Para Games 2023) កម្ពុជា រំពឹងទទួលបានភ្ញៀវទេសចរអន្តរជាតិយ៉ាងហោចណាស់៤លាននាក់ និង ទេសចរផ្ទៃក្នុងប្រមាណ ១៥លាននាក់ សម្រាប់ឆ្នាំ២០២៣។ ក្រសួងទេសចរណ៍បានវាយតម្លៃ ចំនួនភ្ញៀវទេសចរទាំងនេះ នឹងផ្តល់ប្រាក់ចំណូលឱ្យកម្ពុជា៤០០០លានដុល្លារ ដែលចាក់បញ្ចូលក្នុងចរន្តសេដ្ឋកិច្ច៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ