លោក សុន ឆ័យ បំភ្លឺចំពោះការផ្សាយរបស់ RFI ក្រោមចំណងជើងថា«លោក សុន ឆ័យ ថាកុំអន់ចិត្តប្រសិនបើគណបក្សភ្លើងទៀនមិនត្រូវបានអនុញ្ញាតឲ្យចូលរួមបោះឆ្នោត»
នៅក្នុងសន្និសិទនៅព្រឹកថ្ងៃអង្គារនេះ លោក សុន ឆ័យ បញ្ជាក់ថា អ្វីដែលលោកសុំកុំឲ្យពលរដ្ឋជាអ្នកគាំទ្រ មានការអាក់អន់ស្រពនចិត្តនោះ គឺសំដៅទៅអ្នកគាំទ្រលោកដែលពួកគេមិនអាចជួបជុំបានក្នុងវេទិកាមួយដែលមានលោកចូលរួម ដោយសារតែអាជ្ញាធរតាមឃ្លាំមើលច្រើន បន្ទាប់ពីមានសេចក្តីប្រកាសគណបក្សភ្លើងទៀន ថានឹងធ្វើការប្រមូលផ្តុំ បើគបជ មិនចុះបញ្ជីគណបក្សភ្លើងទៀនចូលរួមបោះឆ្នោត។
ចុះផ្សាយនៅថ្ងៃ៖
សូមស្តាប់លោកលោក សុន ឆ័យ៖
តាមរយៈវីដេអូដែលផ្សព្វផ្សាយដោយFresh News លោក សុន ឆ័យ ថ្លែងថា កាលពីថ្ងៃទី១២ ខែឧសភា មានការប្រជុំគណៈកម្មាធិការនាយកគណបក្សភ្លើងទៀនតែលោកអះអាងថាលោកអត់បានចូលរួមទេ។លោកថា ការប្រជុំនោះគឺមានក្រុមអ្នកខ្វល់ខ្វាយ មួយចំនួននៅក្នុងជួរមេដឹកនាំដែលមិនយល់ពីនីតិវិធីការងារ ហើយនាំគ្នាឆ្លេឆ្លា ត្រៀមកម្លាំងដើម្បីធ្វើកូដកម្ម ឬតវ៉ា ប្រសិនគណបក្សប្រឆាំងនេះមិនអាចចូលរួមបោះឆ្នោតបាន។
សម្រាប់ លោក សុន ឆ័យ ដោយសារតែការប្រកាសបែបនេះ ហើយ ទើបនាំឱ្យមានបញ្ហាមិនអាចជួបជុំគ្នាបាន ហើយសុំកុំឲ្យពលរដ្ឋអាក់អន់ចិត្ត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ