ផ្លូវល្បឿនលឿនទី២(ភ្នំពេញ-បាវិត) បានឈានដល់ដំណាក់កាលចុះហត្ថលេខាជាមួយក្រុមហ៊ុនឯកជន
ក្រសួងសាធារណការ និងដឹកជញ្ជូននៅព្រឹកថ្ងៃទី១៨ ខែឧសភានេះ បានចុះហត្ថលេខាជាមួយតំណាងក្រុមហ៊ុនសាជីវភកម្មថ្នល់ និងស្ពានចិន(CRBC) ដើម្បីចាប់ផ្តើមដំណើរការសិក្សា និងសាងសង់ផ្លូវល្បឿនលឿន ភ្នំពេញ-បាវិត ចំងាយ១៣៥គីឡូម៉ែត្រ ដោយគ្រោងនឹងបើកការដ្ឋានជាផ្លូវការនៅថ្ងៃទី០៧ ខែមិថុនា ឆ្នាំ២០២៣។ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានប្រាប់អ្នកកាសែតថា ការសាងសង់ផ្លូវល្បឿនលឿនភ្នំពេញ-បាវិត នេះ មានសារៈសំខាន់ណាស់សម្រាប់ប្រទេសកម្ពុជា។ តាមលោករដ្ឋមន្ត្រី ផ្លូវល្បឿនលឿនភ្នំពេញ-បាវិត ជួយសម្រួលដល់ប្រទេសកម្ពុជានៅក្នុងវិស័យដឹកជញ្ជូន និងការធ្វើពាណិជ្ជកម្ម។ មិនតែប៉ុណ្ណោះផ្លូវល្បឿនលឿនថ្មីនេះ ក៏ជួយតភ្ជាប់ការដឹកជញ្ជូនទំនិញពីថៃ ទៅកាន់វៀតណាមផងដែរ។
ចុះផ្សាយនៅថ្ងៃ៖
សូមស្តាប់ប្រសាសន៍លោក ស៊ុន ចាន់ថុល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ