លោក ហ៊ុន សែន អះអាងថា បរិយាកាសបោះឆ្នោតដំណើរការរលូន ខណៈលោក សម រង្ស៊ី បង្ហាញសន្លឹកឆ្នោតខ្វែង
ប្រមុខគណបក្សកាន់អំណាច លោក ហ៊ុន សែន អះអាងថា បរិយាកាសនៃការបោះឆ្នោតនៅថ្ងៃអាទិត្យនេះបានដំណើរការទៅដោយរលូន ហើយថា មានអ្នកសង្កេតការណ៍ជាតិ និងអន្តរជាតិចូលរួមពិនិត្យតាមដាននិងឃ្លាំមើលការបោះឆ្នោតជាប្រវត្តិសាស្រ្តនេះផងដែរ។ ប៉ុន្តែពីក្រៅប្រទេសមកវិញ លោក សម រង្ស៊ី បានសម្រុកផ្សព្វផ្សាយពីការគូសសន្លឹកឆ្នោតចោលដែលលោកអះអាងថា ជាសន្លឹកឆ្នោតពលរដ្ឋបានថតផ្ញើឲ្យក្រុមការងាររបស់លោក។
ចុះផ្សាយនៅថ្ងៃ៖
ស្តាប់ - ០១:៣២
លោក ហ៊ុន សែន ប្រមុខគណបក្សកាន់អំណាចបានបដិសេធមិនឆ្លើយតបនឹងសំណួររបស់អ្នកសារព័ត៌មាននោះឡើយ ខណៈលោកទៅបោះឆ្នោតនៅមណ្ឌលបោះឆ្នោត ក្នុងសាលាគរុកោសល្យក្រុងតាខ្មៅ ខេត្តកណ្តាលនៅថ្ងៃអាទិត្យនេះ។
តែនៅលើទំព័រហ្វេសប៊ុកដែលអះអាងថាជំនួយការរបស់លោកជាអ្នកកាន់កាប់នោះ លោក ហ៊ុន សែន ចាត់ទុកថា បរិយាកាសនៃការបោះឆ្នោតនៅថ្ងៃអាទិត្យនេះបានដំណើរការទៅដោយរលូន ហើយថា មានអ្នកសង្កេតការណ៍ជាតិ និងអន្តរជាតិចូលរួមពិនិត្យតាមដាននិងឃ្លាំមើលការបោះឆ្នោតជាប្រវត្តិសាស្រ្តនេះផងដែរ។
ទន្ទឹមគ្នានឹងសន្ទុះពលរដ្ឋចេញទៅបោះឆ្នោតនៅអាណត្តិទី៧នេះ ពីខាងក្រៅប្រទេសមកវិញ លោក សម រង្ស៊ី បានសម្រុកបញ្ចេញសន្លឹកឆ្នោតដែលពលរដ្ឋគូសខ្វែងចោល និងក៏មានដែរសន្លឹកឆ្នោតដែលមានសរសេរពាក្យរិះគន់មកលើបក្សកាន់អំណាច ដែលលោក សម រង្ស៊ី អះអាងថា ជាសន្លឹកឆ្នោតដែលពលរដ្ឋបានថតផ្ញើឲ្យក្រុមការងាររបស់លោកផ្សព្វផ្សាយបន្ត។
នៅចំពោះមុខនៃចរន្តគូសបំផ្លាញសន្លឹកចោលនេះ ពីខាងបណ្តាញសារព័ត៌មានគាំទ្ររដ្ឋាភិបាលវិញ ក៏បានផ្សាយដែរករណីសមត្ថកិច្ចចាប់ខ្លួនបុរសម្នាក់ដែលព្យាយាមយកសន្លឹកឆ្នោតចេញពីការិយាល័យបោះឆ្នោតមួយកន្លែងនៅសាលាបឋមសិក្សាវត្តមហាមន្ត្រី រាជធានីភ្នំពេញ។
បើតាមប្រព័ន្ធផ្សព្វផ្សាយដែលស្និទនឹងរដ្ឋាភិបាល សមត្ថកិច្ចក៏កំពុងកំណត់មុខសបញ្ញាមនុស្សមួយចំនួន ដែលបានបង្ហោះផ្សព្វផ្សាយសន្លឹកឆ្នោតក្លែងក្លាយ ដោយគូសខ្វែងចោលសន្លឹកឆ្នោត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ