គណបក្សខ្មែររួបរួមជាតិអំពាវនាវឲ្យរដ្ឋាភិបាលថ្មីបើកលម្ហប្រជាធិបតេយ្យឡើងវិញ
គណបក្សខ្មែររួបរួមជាតិ ដែលជាបក្សប្របាច់បញ្ចូលគ្នាដោយលោក ញឹក ប៊ុនឆៃ និង លោក យ៉ែម បុញ្ញឬទ្ធិ មកពីគណបក្សកម្ពុជានិយម បានអំពាវនាវឲ្យរដ្ឋាភិបាលថ្មីដែលដឹកនាំដោយនាយករដ្ឋមន្ត្រីថ្មី បើកលម្ហប្រជាធិបតេយ្យឲ្យទូលាយ គោរពសិទ្ធិមនុស្ស និងផ្សះផ្សាជាតិជាដើម។ នេះបើតាមសេចក្តីថ្លែងការណ៍នៅថ្ងៃទី៥សីហា ដែលគណបក្សនេះមិនបានជាប់កៅអីតំណាងរាស្ត្រមួយនេះ ក៏បានទទួលយកនូវលទ្ធផលបោះឆ្នោតនេះដែរ។
ចុះផ្សាយនៅថ្ងៃ៖
ស្តាប់ - ០១:៤០
បើតាមគណបក្សដែលបែកចេញពីគណបក្សហ្វ៊ុនស៊ិនប៉ិចនេះ ដំណើរការបោះឆ្នោតកាលពីថ្ងៃទី២៣កក្កដា គឺបានប្រព្រឹត្តិទៅដោយគ្មានហិង្សា ដោយសន្តិវិធី តាំងពីថ្ងៃចាប់ផ្តើមឃោសនារហូតដល់ថ្ងៃបញ្ចប់បោះឆ្នោត។ ប៉ុន្តែគណបក្សខ្មែររួបរួមជាតិ ក៏បានសំដែងការខកចិត្តដែរ ដែលខ្លួនមិនទទួលបានកៅអីតំណាងរាស្ត្រមួយសូម្បីតែមួយ បើទោះបីជាអះអាងថា មានការចូលឃោសនាពីប្រជាពលរដ្ឋយ៉ាងច្រើនកុះករក្តី។
សូមបញ្ជាក់ថា គណបក្សខ្មែររួបរួមជាតិមិនដែលធ្លាប់ស្គាល់កៅអីតំណាងរាស្ត្រម្តងនៅឡើយទេ តាំងពីគណបក្សនេះបង្កើតឡើងមក បន្ទាប់ពីចែកផ្លូវជាពីរជាមួយគណបក្សហ្វ៊ុនស៊ិនប៉ិច។ ប៉ុន្តែក្រោយចែកផ្លូវគ្នាដើរ គណបក្សរាជានិយម ហ្វ៊ុនស៊ិនប៉ិច ទើបបានស្គាល់កៅអីតំណាងរាស្ត្រឡើងវិញនៅអាណត្តិទី៧នេះ បាន៥អាសនៈ បន្ទាប់ពីមិនជាប់ឆ្នោតចំនួនពីរអាណ្តត្តិជាប់ៗគ្នា តាំងពីឆ្នាំ២០១៣ និង២០១៨។
ទោះជាយ៉ាងណា គណបក្សខ្មែររួបរួមជាតិទទួលបានសន្លឹកឆ្នោតឈរនៅលេខរៀងទី៣ នៃលទ្ធផលបោះឆ្នោតថ្ងៃទី២៣កក្កដា កន្លងមក គឺបន្ទាប់ពីគណបក្សហ្វ៊ុនស៊ិនប៉ិច តែនៅដាច់ឆ្ងាយពីគណបក្សប្រជាជនកម្ពុជា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ