លោកស្រី ឆាយ ស៊ីវលីន​៖ អ្នកប្រចាំការត្រូវឲ្យមានជាប់ ខណៈត្រូវហាមភ្ញៀវមិនឲ្យមកតំបន់ហានិភ័យ

លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជា សាទរការចាត់វិធានការរបស់ក្រសួងបរិស្ថាន ក្នុងការទប់ស្កាត់ហេតុការណ៍គ្រោះថ្នាក់ចំពោះភ្ញៀវទេសចរ នៅក្នុងរដូវវស្សា។ តែទន្ទឹមនឹងនេះ លោកស្រី សំណូមពរឲ្យមានការដាក់អ្នកប្រចាំការជារៀងរាល់ថ្ងៃ និងការហាមប្រាមដាច់ខាត កុំឲ្យមានភ្ញៀវទេសចរមកលេងក្នុងតំបន់មានហានិភ័យខ្ពស់តែម្ដង។គួររំឮកថា នៅមុនដាក់ចេញវិធានការនេះ មានភ្ញៀវទេសចរជាច្រើននាក់បាន​ស្លាប់ អំឡុងពេលកំសាន្ត ក្នុងរដូវវស្សា​ នៅតាមបណ្ដាខេត្តនានា​។​ ចុងក្រោយនេះ មានដូចជាករណីទឹកជ្រោះហូរបោកនៅភ្នំឱម៉ាល់ និង​ករណីលង់ទឹកសមុទ្រនៅឆ្នេរអូឈើទាល ។ល។