ការបដិសេធសុំជួបសកម្មជន៖ មេធាវីថាចៅក្រមសាលាដំបូងភ្នំពេញរំលោភសិទ្ធិជនត្រូវចោទ
ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី២២ ខែសីហា សម្រេចមិនអនុញ្ញាតឲ្យតំណាងគណបក្សភ្លើងទៀន ដែលដឹកនាំដោយលោក រ៉ុង ឈុន អនុប្រធានគណបក្សចូលជួបសកម្មជន ដែលត្រូវបានឃុំខ្លួននៅពន្ធនាគារព្រៃស និងពន្ធនាគារ PJ ។នៅក្នុងលិខិតរបស់លោកស្រី យី សុខវួច ចៅក្រមស៊ើបសួរសាលាដំបូងភ្នំពេញ លើកឡើងថាសំណុំរឿងសកម្មជនទាំង៤នាក់ខាងលើកំពុងស្ថិតនៅក្នុងចំណាត់ការស៊ើបសួរ និងស្រាវជ្រាវប្រមូលភស្តុតាងនានា ហេតុនេះការចូលជួបសួរសុខទុក្ខ អាចអនុញ្ញាតឲ្យតែមេធាវីការពារសិទ្ធិឲ្យជនត្រូវចោទ និងក្រុមគ្រួសារជនត្រូវចោទ ដែលមិនទាក់ទងនៅក្នុងរឿងតែប៉ុណ្ណោះ។ សម្រាប់អ្នកដទៃផ្សេងទៀត ការចូលសួរសុខទុក្ខអាចអនុញ្ញាតឲ្យបានក្រោយពីចៅក្រមបានបំពេញកិច្ចចាំបាច់មួយចំនួនសិន។ នេះបើតាមការបញ្ជាក់របស់ចៅក្រមស៊ើបសួរ។ក៏ប៉ុន្តែលោក សំ សុគង់ មេធាវីការពារសិទ្ធិឲ្យសកម្មជនបក្សប្រឆាំង ដែលរងនូវការចោទប្រកាន់ពីបទញុះញង់ទាក់ទងនឹងការគូសសន្លឹកឆ្នោតចោលកាលពីពេលកន្លងទៅនេះ បានហៅការហាមប្រាមរបស់ចៅក្រមស៊ើបសួរថាជាការរំលោភទៅលើសិទ្ធិជនត្រូវចោទ ដែលត្រូវបានធានាដោយរដ្ឋធម្មនុញ្ញ និងកតិការសញ្ញាអន្តរជាតិ ខណៈប្រទេសកម្ពុជាបានផ្តល់សច្ចាប័នផងដែរ។ សូមស្តាប់លោកមេធាវី សំ សុគង់៖
ចុះផ្សាយនៅថ្ងៃ៖
ស្តាប់ - ០២:០៣