មន្ត្រីបក្សប្រឆាំងដែលចុះចូលមួយចំនួនត្រូវបានតែងតាំងជាទីប្រឹក្សាដែលគ្មានស្ថាប័នជាក់លាក់
ក្រុមមន្ត្រីបក្សប្រឆាំងដែលចុះចូលជាមួយគណបក្សប្រជាជនកម្ពុជានៅមុនបោះឆ្នោត ទាំងស្ម័គ្រចិត្ត និង ខ្លះអះអាងថា ត្រូវបានគេបង្ខំនោះ គឺត្រូវបានផ្តល់តំណែងជាទីប្រឹក្សារដ្ឋាភិបាលរបស់លោក ហ៊ុន ម៉ាណែត។ នេះបើតាមបញ្ជីឈ្មោះទីប្រឹក្សារដ្ឋាភិបាលដែលចំនួន៣៦៣រូប ចេញផ្សាយថ្ងៃទី២៦សីហា។
ចុះផ្សាយនៅថ្ងៃ៖
អតីតសមា ជិកគណបក្សភ្លើងទៀនដែលទៅចុះចូលដូចជា លោក កែត ឃី ត្រូវបានតែងតាំងជាទីប្រឹក្សារដ្ឋាភិបាល ឋានៈស្មើរដ្ឋលេខាធិការ ខណៈអតីតប្រធានក្រុមការងាររាជធានីភ្នំពេញមួយរូបគឺលោក ស ឡុងដេត ត្រូវបានតែងតាំងជាទីប្រឹក្សា មានឋានៈស្មើអនុរដ្ឋលេខាធិការ។ លោក ស ឡុងដេត បានសម្រេចចិត្តចុះចូលជាមួយគណបក្សកាន់អំណាចបន្ទាប់ពីមានការតាមចាប់ខ្លួនមិនឲ្យរត់គេចទៅក្រៅប្រទេស។
ចំណែកអតីតតំណាងរាស្ត្រនៃអតីតតំណាងរាស្ត្រគណបក្សសង្គ្រោះជាតិដូចជា លោក ជីវ កត្តា ត្រូវបានតែងតាំងជាទីប្រឹក្សារដ្ឋាភិបាល មានឋានៈស្មើរដ្ឋមន្ត្រី ខណៈអតីតសមាជិកអតីតគណបក្សសង្គ្រោះជាតិផ្សេងទៀតរួមមានលោក កង គឹមហាក់ លោក ដាំ សិទ្ធិ លោក តុ វ៉ាន់ចាន់ និង លោក ខឿយ ស៊ីនឿន ត្រូវបានតែងតាំងជាទីប្រឹក្សារដ្ឋាភិបាល មានឋានៈស្មើរដ្ឋលេខាធិការ។
អ្នកវិភាគ កត់សំគាល់ថា តំណែងទីប្រឹក្សាទាំងនោះ មួយចំនួនគឺមិនមានកន្លែងអង្គុយធ្វើការជាក់លាក់នោះឡើយ ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ