សាស្ត្រាចារ្យ លន់ បូរី ត្រូវចាប់ខ្លួនពាក់ព័ន្ធករណីឆបោកក្លែងបន្លំឯកសារសាធារណៈ
លោកសាស្ត្រាចារ្យ លន់ បូរី ដែលភាគច្រើនស្គាល់ថាជាគ្រូបង្វឹកពីភាពជោគជ័យ ត្រូវបានកងកម្លាំងអាវុធហត្ថចាប់ខ្លួននៅថ្ងៃទី២ ខែកញ្ញានេះ តាមដីការបស់សាលាដំបូងរាជធានីភ្នំពេញ។ តាមដីកាបង្គាប់ឱ្យឃុំខ្លួន ចុះថ្ងៃទី១៨ ខែសីហា លោក លន់ បូរី កំពុងរងបទចោទប្រកាន់ពាក់ព័ន្ធករណីឆបោក ក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង។
ចុះផ្សាយនៅថ្ងៃ៖
ស្តាប់ - ០១:១២
លោកសាស្ត្រាចារ្យ លន់ បូរី នៅថ្ងៃទី២ ខែកញ្ញានេះ ត្រូវបានកងកម្លាំងអាវុធហត្ថចាប់ខ្លួន តាមដីកាបង្គាប់ឱ្យឃុំខ្លួនរបស់សាលាដំបូងរាជធានីភ្នំពេញ។ ការចាប់ខ្លួននេះគឺដោយសង្ស័យថា លោកសាស្ត្រាចារ្យ លន់ បូរី មានពាក់ព័ន្ធករណីឆបោក ក្លែងបន្លំឯកសារសាធារណៈ និងប្រើប្រាស់ឯកសារសាធារណៈក្លែង។
សូមជម្រាបថា កាលពីថ្ងៃទី១៨ ខែសីហាកន្លងទៅ ចៅក្រមស៊ើបសួរនៃសាលាដំបូងរាជធានីភ្នំពេញ លោក អួង វុទ្ធា បានចេញដីកាបង្គាប់ឲ្យឃុំខ្លួនជនត្រូវចោទ លន់ បូរី ទៅមណ្ឌលអប់រំកែប្រែទី១ ដោយអនុវត្តឲ្យបានត្រឹមត្រូវតាមផ្លូវច្បាប់។
លោក លន់ បូរី ភាគច្រើនត្រូវអ្នកប្រើប្រាស់បណ្តាញសង្គម Facebook ស្គាល់ថាជាគ្រូបង្វឹកពីភាពជោគជ័យ និងជាស្ថាបនិកម្នាក់នៅក្រុមហ៊ុន (E-School Cambodia) ដែលជាក្រុមហ៊ុនមួយ ជួយខាងបច្ចេកទេសក្នុងការអប់រំតាមអនឡាញ អំឡុងនៃវិបត្តិកូវីដ១៩។
យ៉ាងណាមិញ ពាក់ព័ន្ធករណីនេះ E-School Cambodia បានចេញសេចក្ដីជូនដំណឹងមួយបញ្ជាក់ថា នេះជារឿងផ្ទាល់ខ្លួនរបស់បុគ្គល លន់ បូរី មិនជាប់ទាក់ទងនឹងសាលានោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ