អ្នកនាំពាក្យ៖ ការវាយតម្លៃសមាសភាពមន្ត្រីបន្តវេនរដ្ឋាភិបាលថ្មីជារបៀបវារៈនៃមហាសន្និបាតនៅខែធ្នូ
ខុទ្ទកាល័យនៃគណៈកម្មាធិការកណ្តាលគណបក្សប្រជាជនកម្ពុជា នៅថ្ងៃទី៩ ខែតុលា ឆ្នាំ២០២៣នេះ បានជូនដំណឹងថា គណៈអចិន្ត្រៃយ៍នៃគណៈកម្មាធិការកណ្តាលគណបក្សកាន់អំណាចនេះ នឹងកោះប្រជុំមហាសន្និបាតវិសាមញ្ញតំណាងទូទាំងប្រទេសនៅថ្ងៃទី០៩ និងទី១០ ខែធ្នូ ឆ្នាំ២០២៣។ សេចក្តីជូនដំណឹងដែលធ្វើឡើងដោយលោក ម៉ម សារិន ប្រធានខុទ្ទកាល័យគណបក្សមិនបានលម្អិតពីរបៀបវារៈសំខាន់ៗនៃមហាសន្និបាតនេះទេ។ ក៏ប៉ុន្តែលោក សុខ ឥសាន អ្នកនាំពាក្យគណបក្សប្រជាជនកម្ពុជាបានប្រាប់វិទ្យុបារាំងអន្តរជាតិ RFI នៅថ្ងៃនេះថា មហាសន្និបាតវិសាមញ្ញតំណាងទូទាំងប្រទេសរបស់គណបក្សមានរបៀបវារៈសំខាន់ៗមួយចំនួន ដូចជាការវាយតម្លៃពីសមាសភាពបន្តវេនរបស់គណបក្សប្រជាជននៅក្នុងរាជរដ្ឋាភិបាលអាណត្តិទី៧ និងអាចមានការបន្ថែមសមាជិកទៅក្នុងគណៈកម្មាធិការកណ្តាលរបស់គណបក្សមួយចំនួនទៀត។ ទោះយ៉ាងណារបៀបវារៈទាំងនេះនៅមិនទាន់ផ្លូវការនៅឡើយទេ។ សូមស្តាប់លោក សុខ ឥសាន៖
ចុះផ្សាយនៅថ្ងៃ៖
ស្តាប់ - ០១:៥៥