ប្រឆាំងគ្រឿងញៀន៖ នាយករដ្ឋមន្ត្រីថាទេសរដ្ឋមន្ត្រីដឹកនាំអត់គ្រប់គីឡូទេ
នៅក្នុងពិធីសម្ពោធអគាររដ្ឋបាលថ្មីក្នុងខេត្តកំពង់ស្ពឺនាថ្ងៃចន្ទនេះ លោកនាយករដ្ឋមន្ត្រី ហ៊ុន ម៉ាណែត បានបញ្ជាក់ថារដ្ឋាភិបាលសម្រេចកែសម្រួលក្បាលម៉ាស៊ីនដឹកនាំអាជ្ញាធរជាតិប្រយុទ្ធប្រឆាំងគ្រឿងញៀន ដោយបញ្ហានេះត្រូវដឹកនាំដោយឧបនាយករដ្ឋមន្ត្រីចំនួន៤រូប។ លោកថាបញ្ហាគ្រឿងញៀន ដែលការសម្រេចដំបូងដឹកនាំដោយទេសរដ្ឋមន្ត្រីមួយរូបគឺមិនគ្រប់គីឡូទេ ក្នុងការកាត់បន្ថយ និងលុបបំបាត់ឲ្យអស់គ្រឿងញៀនពីកម្ពុជា។ តាមរបាយការណ៍របស់អាជ្ញាធរជាតិប្រយុទ្ធប្រឆាំងគ្រឿងញៀន រយៈពេល០៨ខែ ឆ្នាំ២០២៣ សមត្ថកិច្ចធ្វើការបង្ក្រាបបទល្មើសគ្រឿងញៀនបានចំនួនជាង ៥ ១០០ ករណី ឃាត់ខ្លួនជនល្មើសចំនួនជាង ១២ ០០០នាក់ ចាប់យកសារធាតុញៀនបានចំនួនជាង២ពាន់គីឡូក្រាម សារធាតុគីមីផ្សំជិត១ពាន់គីឡូក្រាម រួមនឹងវត្ថុតាងពាក់ព័ន្ធមួយចំនួនទៀត។ សូមស្តាប់ប្រសាសន៍លោកនាយករដ្ឋមន្ត្រី ហ៊ុន ម៉ាណែត៖
ចុះផ្សាយនៅថ្ងៃ៖
ស្តាប់ - ០២:០៥