ម៉េង ស្រីលីន៖ដល់ពេលដែលស្ត្រីបោះចោលគំនិតថា ជំនាញបច្ចេកវិទ្យារៀនបានតែបុរសទៀតទៅ
ចុះផ្សាយនៅថ្ងៃ៖
ស្តាប់ - ០៨:៥៤
ការប្រើប្រាស់បច្ចេកវិទ្យាក្នុងពេលបច្ចុប្បន្ននេះលែងកំណត់ដោយភេទទៀតហើយ។ កញ្ញា ម៉េង ស្រីលីន បានពួតដៃជាមួយក្រុមការងារជាបុរសបង្កើតបច្ចេកវិទ្យាក្នុងធ្វើកសិកម្មក្រោមឈ្មោះថា (Samrt Farm Assistance) ជាប្រព័ន្ធស្រោចស្រពដំណាំ ដែលបញ្ជាពីទូរសព្ទដៃ។ បើតាមកញ្ញា ម៉េង ស្រីលីន Samrt Farm Assistance បង្កើតឡើងក្នុងគោលបំណងបង្វែការធ្វើកសិកម្មបែបបុរាណរបស់ពលរដ្ឋ មកធ្វើកសិកម្មបែបទំនើបវិញ។ ប្រយោជន៍នៃការធ្វើកសិកម្មបែបទំនើប ពលរដ្ឋនឹងបានដឹងមុនពីសំណើមដី សីតុណ្ហភាព ដើម្បីត្រៀមធ្វើកសិកម្ម។ នៅចំពោះមុខភាពជោគជ័យនេះ កញ្ញា ម៉េង ស្រីលីន លើកឡើងថា ល្មមដល់ពេលស្ត្រីមួយចំនួនបោះបង់ចោលគំនិតថា ជំនាញបច្ចេកវិទ្យារៀនបានតែបុរសទៀតទៅ ខណៈជំនាញនេះខ្វះការចូលរួមពីស្ត្រី។ អ្វីទៅជាការធ្វើកសិកម្មក្នុងយុគសម័យបច្ចេកវិទ្យាក្រោមគំនិតផ្ដើមរបស់ ម៉េង ស្រីលីន និងមិត្តរួមក្រុម?
