តុលាការប៉ារីសជំនុំជម្រះនិស្សិតបារាំង៥នាក់ ដែលបានសរសេរសារទ្វីតញុះញង់ឲ្យគេវាយធ្វើបាបជនជាតិចិន
ចុះផ្សាយនៅថ្ងៃ៖
ស្តាប់ - ១១:៥៥
តុលាការក្រុងប៉ារីស បានបើកសវនាការ កាលពី រសៀលថ្ងៃពុធ ទី ២៤ មីនា ដើម្បី ជំនុំជម្រះជាលើកទី ១ ជនជាប់ចោទ៥នាក់ ដែលបានសរសេរសារនៅលើបណ្តាញ សង្គម អំពាវនាវឲ្យគេវាយធ្វើបាប ជនជាតិចិន រស់នៅប្រទេសបារាំង។ ជនជាប់ចោទទាំង៥ជានិស្សិតបារាំង ដែលនៅក្នុងនោះ មាន១នាក់ ជានិស្សិតច្បាប់ឆ្នាំទី២ និងចង់ក្លាយជាចៅក្រម ត្រូវបានចោទប្រកាន់ថា បានសរសេរសារទ្វីតញុះញង់ឲ្យគេវាយធ្វើបាបជនជាតិចិន អាស៊ី នៅបន្ទាប់ពីរដ្ឋាភិបាលបារាំង ប្រកាសបិទខ្ទប់ប្រទេសជាលើកទី ២កាលពីថ្ងៃទី ២៨ តុលា ២០២០។ នៅថ្ងៃពុធ ទី២៤ មីនា ប្រជាជនដើមកំណើតអាស៊ី ដែលមានតាំងពីជនជាតិចិន វៀតណាម កម្ពុជាបានធ្វើបាតុកម្ម នៅមិនឆ្ងាយប៉ុន្មានពីទីតាំងអគារ តុលាការប៉ារីស ដើម្បី បរិហារអំពើហិង្សា ការរើសអើង ទៅលើប្រជាជនដើមកំណើត អាស៊ី។ ពួកគេទាមទារឲ្យមានការដាក់ទោសធ្ងន់ផងដែរ លើអ្នកសរសេរសារស្អប់ញុះញង់ នោះបើទោះបីជាជនជាប់ចោទមិនបានប្រព្រឹត្តអំពើហិង្សាដោយផ្ទាល់ក្តី។ តុលាការនឹងប្រកាសសាលក្រមនៅថ្ងៃទី ២៦ឧសភា ២០២១។
