ម្ចាស់ភោជនីយដ្ឋានអាចដកដង្ហើមមកវិញ នៅក្រោយរដ្ឋាភិបាលប្រកាសបើកប្រទេសឡើងវិញ
ចុះផ្សាយនៅថ្ងៃ៖
ស្តាប់ - ១១:៤៩
នៅប្រទេសបារាំង ជីវិតរស់នៅរបស់ប្រជាជនចាប់ស្រស់ថ្លា រីករាយឡើងវិញ មួយកម្រិត ចាប់តាំងពីរដ្ឋាភិបាលប្រកាសឲ្យភោជនីយដ្ឋាន ចាប់បើកទទួលភ្ញៀវឡើងវិញ ចាប់តាំងពីថ្ងៃទី ១៩ ឧសភា។ ទោះបីជាអាចបើកទទួលភ្ញៀវបានតែ ៥០% ដោយសារតែ វិធានការសុខភាពអនាម័យ នៅក្នុងកាលៈទេសៈ កូវីដ ប៉ុន្តែ ម្ចាស់ភោជនីយដ្ឋានទាំងឡាយ ដែលក្នុងនោះមានផងដែរ លោកTomy Gousset (អាន តូមី ហ្គូសេ) បានបូជាកម្លាំងកាយ កម្លាំងចិត្ត ដើម្បី ទទួលស្វាគមអតិថិជនឡើងវិញ បន្ទាប់ពីបានបិទទ្វារ អស់ ៦ខែ។ លោកតូមី ហ្គូសេជាជនជាតិបារាំង ដើមកំណើតខ្មែរ ដែលមានភោជនីយដ្ឋាន ចំនួន ៣ ក្នុងទីក្រុងប៉ារីស។ ឈាង បុប្ផា បានចុះទៅយកបទយកការណ៍ នៅភោជនីយដ្ឋាន Tomy&Co ក្នុងសង្កាត់ទី៨ក្បែរ អគារ តួអេហ្វែល កណ្តាលក្រុងប៉ារីស។
