បណ្ណាល័យភូមិបានក្លាយជាចំណែកមួយនៃការចូលរួមជំរុញការអាន ដល់កុមារ ជាពិសេសនៅក្នុងអំឡុងពេលវិបត្តិកូវីដ១៩។ កូវីដ១៩ ដែលតម្រូវឲ្យសាលារៀនទាំងរដ្ឋ និងឯកជនត្រូវបិទទ្វារ ហើយជ្រើសរើសមកសិក្សាតាមអនឡាញ ឬពីចម្ងាយ។ ការសិក្សាពីចម្ងាយបានធ្វើឲ្យកុមារខ្លះ បាត់ឱកាសពេញលេញក្នុងការរៀនសូត្រ។ ប៉ុន្តែក្រៅពីជំរុញការអាន បណ្ណាល័យភូមិ ដែលស្ថិតនៅតំបន់ជាយក្រុងសៀមរាបនេះ បានរួមចំណែកជួយឲ្យកុមារបានសិក្សាពីចម្ងាយ ខណៈដែលសាលារៀនបន្តបិទ។
