អ្នកលេងឧបករណ៍ភ្លេងខ្មែរក្នុងពិធីមង្គលការភាគច្រើនបានងាកមកប្រកបរបរផ្សេងជាបណ្ដោះអាសន្នបន្ទាប់ពីឧបករណ៍ភ្លេងបានបញ្ឈរទុកចោលដោយសារគ្មានពិធីមង្គលការនៅគ្រាកូវីដ១៩នេះ។ ពួកគេទាំងនោះបានប្រកបលក់ដូរតាមលទ្ធភាពជាក់ស្ដែង។ វង់សម្ដែងឧបករណ៍ភ្លេងខ្មែរមួយឈ្មោះ វឿន ស្រីមុំ បានឲ្យដឹងថា ដោយសារមិនមានពិធីមង្គលការប្រចាំឆ្នាំវង់សម្ដែងរបស់គាត់បានបាត់បង់ចំណូលប្រមាណជាជិត៣ពាន់ដុល្លារក្នុងរយៈពេល១ឆ្នាំមកនេះ។ ចំណែកកូនក្រុមវិញបានបាត់បង់ចំណូលប្រចាំឆ្នាំរង្វង់ពី១៥០០ទៅ២០០០ដុល្លារដែរ។
