កូវីដ១៩ ដែលបន្តរីករាលដាលនៅក្នុងប្រទេសថៃ បានរុញច្រានឲ្យពលករខ្មែរមួយចំនួនធំ ដែលធ្វើការក្នុងទឹកដីថៃសម្រុកឆ្លងដែនចូលមកប្រទេសកំណើតវិញ។ ត្រឡប់មកដែនដីកំណើត ដោយបារម្ភខ្លាចឆ្លងកូវីដ១៩ និងម្យ៉ាងដោយសារគ្មានការងារធ្វើ។ មន្ត្រីឃ្លាំមើលសិទ្ធិមនុស្ស ដែលតាមដានបញ្ហាចំណាកស្រុករបស់ពលករបានលើកឡើងថា ពលករមកពីថៃកំពុងប្រឈមបញ្ហាជីវភាព ដោយសារបាត់ចំណូល ហើយត្រូវរកប្រាក់សម្រាប់សងធនាគារ។
