នាង កាវិច សមិទ្ធិករខ្មែរដំបូងគេ នៅមហោស្រពភាពយន្ត អ៊ីតាលី Venice
ចុះផ្សាយនៅថ្ងៃ៖
ស្តាប់ - ១១:១០
ជាមោទនភាពធំធេង សម្រាប់សសមិទ្ធិករភាពយន្តនាង កាវិច ម្ចាស់ដឹកនាំរឿង ប៊ូឌីង ស ដែលត្រូវបានជ្រើសរើស សម្រាប់ការប្រកួតប្រជែង ដណ្តើមរង្វាន់ នៅក្នុងមហោស្រពភាពយន្ត ក្រុងVenice លើកទី ៧៨ នៅប្រទេសអ៊ីតាលី។ មោទនភាព ផងដែរ សម្រាប់ប្រជាជនខ្មែរ ព្រោះថា នាង កាវិច ជាសមិទ្ធិករ ខ្មែរទី១ ដែលបាននាំយក ខ្សែភាពយន្តទៅប្រកួតប្រជែងក្នុងមហោស្រពអន្តរជាតិ ក្រុង Venice។ ឈាង បុប្ផា បានសម្ភាសន៍ ម្ចាស់រឿង ប៊ូឌីង ស លោក នាង កាវិច ដែលបានចូលរួមផ្ទាល់ ក្នុងការចាក់បញ្ចាំងខ្សែភាពយន្ត នៅក្នុងមហោស្រព Venice កាលពីថ្ងៃអង្គារ ទី ៧ កញ្ញា។ ខ្សែភាពយន្ត ប៊ូឌីង ស ដែលផលិតឡើងដោយផលិតកម្ម Anti Archive នៅទីក្រុងភ្នំពេញ និងត្រូវទទួលចែកចាយអន្តរជាតិ ដោយក្រុមហ៊ុន Les Films du Losange International នឹងត្រូវចាក់បញ្ចាំង នៅប្រទេសបារាំង នៅថ្ងៃទី ២១ ធ្នូ ឆ្នាំ ២០២១។