បទយកការណ៍
អក្សរឡាតាំងសំនៀងខ្មែរ៖ យុវជនមួយចំនួនកំពុងព្រួយបារម្ភពីភាពស្រអាប់ដល់អក្សរជាតិខ្លួន
ចុះផ្សាយនៅថ្ងៃ៖
ស្តាប់ - ០៩:៤០
និន្នាការសរសេរអក្សរឡាតាំងសំនៀងខ្មែរ កំពុងរីកសាយភាយយ៉ាងឆាប់រហ័សក្នុងផ្នត់គំនិតរបស់ប្រជាពលរដ្ឋខ្មែរ ជាពិសេសក្នុងសម័យបច្ចេកវិទ្យាទំនើប។ ក្នុងចំណោមយុវជនខ្មែរភាគច្រើន ពួកគេពេញនិយមណាស់ចំពោះការសរសេរអក្សរឡាតាំងសំនៀងខ្មែរ ដើម្បីប្រាស្រ័យទំនាក់ទំនងគ្នានៅតាមបណ្តាញសង្គម ដោយពួកគេយល់ថា មធ្យោបាយថ្មីនេះអាចចំណេញពេលច្រើនជាងការសរសេរអក្សរខ្មែរ ជាពិសេសងាយយល់អត្ថន័យលឿនផងដែរ។ តែយ៉ាងណា យុវជនខ្មែរ និងអ្នកជំនាញអក្សរសាស្ត្រខ្មែរមួយចំនួន កំពុងតែបង្ហាញក្តីកង្វល់ជាខ្លាំង ចំពោះគុណតម្លៃ និងភាពអស្ចារ្យនៃអក្សរជាតិខ្មែរ ដែលត្រូវបានយុវជនមួយចំនួនព្យាយាមបំភ្លេចចោល។