ក្រោយសង្រ្គាមខ្មែរក្រហម ប្រជាជនខ្មែរនៅអ៊ុយក្រែនត្រូវឆ្លងកាត់សង្រ្គាមឈ្លានពានរបស់រុស្ស៊ីនៅអ៊ុយក្រែន
ចុះផ្សាយនៅថ្ងៃ៖
ស្តាប់ - ១០:៣៥
សង្រ្គាមអ៊ុយក្រែនបានបង្ហាញសាជាថ្មីពីលំហូរជនភៀសខ្លួនមកក្នុងតំបន់អឺរ៉ុបខាងលិច។ តាមអង្គការសហប្រជាជាតិ មនុស្សជាង១០លាននាក់រត់ចាកចោលផ្ទះសម្បែង ដែលក្នុងនោះ ជាង ៣លាននាក់បានធ្វើដំណើរចេញពីអ៊ុយក្រែន ដើម្បីគេចចេញពីការវាយប្រហារគ្រាប់ផ្លោង គ្រាប់មីស៊ីលរបស់កងទ័ពរុស្ស៊ី។ ដោយសារតែមិនអាចទ្រាំទ្រនឹងសង្រ្គាមឈ្លានពានរបស់រុស្ស៊ី ប្រជាជនខ្មែររស់នៅប្រទេសអ៊ុយក្រែន ប៉ុន្មានគ្រួសារបាន សម្រេចចិត្តរត់គេចយ៉ាងប្រថុចញ៉ុចចេញពីសង្រ្គាម ដើម្បីមកជ្រកកោនបណ្តោះអាសន្ន នៅប្រទេសបារាំង។ គ្រួសារខ្មែរបីគ្រួសារបានមកដល់ខេត្តបឺហ្សង់សុង ភាគខាងកើតបារាំង និងបានទទួលការរាក់ទាក់ពីប្រជាជនខ្មែរនៅទីនោះ។ ឈាង បុប្ផាបានជួបសម្ភាសន៍តាមទូរស័ព្ទ ជាមួយលោកណុស ផាន់ណារ៉ា ប្រជាជនខ្មែររស់នៅខេត្តបឺហ្សង់សុង ដែលបានទទួលគ្រួសារខ្មែរមកពីប្រទេសអ៊ុយក្រែន។
