នៅក្នុងនាទីជីវិតជោគជ័យរបស់វិទ្យុយើង នៅថ្ងៃនេះ សួង សុខភារី សូមណែនាំលោកអ្នកនាងឱ្យបានដឹងពីដំណើរជីវិតរបស់ លោក វ៉ាត់ ចំរើន រដ្ឋលេខាធិកាក្រសួងទេសចរណ៍ និងជាអគ្គលេខាធិការគណៈកម្មាធិការជាតិរៀបចំការប្រកួតស៊ីហ្គេមលើកទី៣២ ហៅកាត់ថា CAMSOC (ខេមសុក)។ លោកវ៉ាត់ ចំរើន ដែលធ្លាប់ជាអត្តពលិកអូឡាំពិកដំបូងរបស់កម្ពុជា និងមានភាពជោគជ័យច្រើនលើជំនាញកីឡា បានឆ្លងកាត់ផ្លូវជីវិតមិនងាយស្រួលនោះឡើយ មិនថាទាំងផ្លូវកាយ និងផ្លូវចិត្ត។ ប៉ុន្តែលោក បានចាត់ទុកថា ការលំបាកជាបទពិសោធន៍ មិនមែនជាឧបសគ្គ ហើយការឈឺចាប់ ជាទ្រព្យដឹកនាំទៅរកភាពជោគជ័យ។
