ពលរដ្ឋ៖បញ្ហាគ្រឿងញៀនដែលស្ថិតក្នុងកញ្ចប់គោលនយោបាយ ភូមិ ឃុំ មានសុវត្ថិភាពទប់ស្កាត់មិនទាន់មានប្រសិទ្ធភាពទេ
ចុះផ្សាយនៅថ្ងៃ៖
ស្តាប់ - ០៨:១៣
នៅថ្ងៃទី២២មិថុនានេះ គឺជាថ្ងៃទី២នៃយុទ្ធនាការឃោសនាបោះឆ្នោតជ្រើរើសក្រុមប្រឹក្សា ឃុំ សង្កាត់អាណត្តិទី៥។ នៅរាជធានីភ្នំពេញសកម្មភាពហែក្បួនហាក់បានស្ងប់ស្ងាត់ បើធៀបនឹងថ្ងៃទី១ ដោយជំនួសមកវិញការឃោសនានៅមួយកន្លែងចាក់ផ្សាយគោលនយោបាយបក្ស។ ក្នុងចំណោមគោលនយោបាយទាំងនោះគេនៅតែស្ដាប់ឮការប្ដេជ្ញាអនុវត្តគោលនយោបាយ ភូមិ ឃុំ មានសុវត្ថិភាព។ តាមរយៈក្បាលមេក្រូវិទ្យុបារាំងអន្តរជាតិrfi ពលរដ្ឋមួយចំនួនរស់នៅក្នុងរាជធានីភ្នំពេញកត់សម្គាល់ឃើញថា បញ្ហាគ្រឿងញៀន ដែលស្ថិតក្នុងកញ្ចប់គោលនយោបាយភូមិឃុំមានសុវត្ថិភាព អាជ្ញាធរថ្នាក់ក្រោមជាតិទប់ស្កាត់មិនទាន់បានពេញលេញទេ។ ចំណុចនេះពលរដ្ឋក៏មិនបន្ទោស មេភូមិ មេឃុំ ចៅសង្កាត់ដែរ ព្រោះបើតាមពលរដ្ឋសិទ្ធិអំណាចមេឃុំ មេភូមិ ចៅសង្កាត់ មានកម្រិត។