បទយកការណ៍
១០ឆ្នាំក្រោយការសោយទិវង្គត៖ពលរដ្ឋនៅតែចង់ចាំវិរៈភាព ព្រះបរមរតនកោដ្ឋ ទាមទារឯករាជ្យពីបារាំង
ចុះផ្សាយនៅថ្ងៃ៖
ស្តាប់ - ០៣:៤២
ខួប១០ឆ្នាំនៃការសោយទិវង្គត ព្រះបរមរតនកោដ្ឋ នៅថ្ងៃទី១៥ខែតុលាឆ្នាំ២០២២នេះ ពលរដ្ឋមួយចំនួនបានអញ្ជើញទៅគោរពវិញ្ញាណក្ខន្ធព្រះអង្គដល់មុខព្រះបរមរូបសំណាក់ ដែលមានទីតាំងជិតវិមានឯករាជ្យ ដោយលំឱនកាយថ្វាយបង្គំ សំពះដល់ដី។ ពលរដ្ឋទាំងនោះបាននិយាយថា លំឱនកាយសំពះដល់ដីមិនអាចស្មើនឹងគុណតម្លៃរបស់ព្រះអង្គឡើយ ហើយការលះបង់របស់ព្រះបរមរតនកោដ្ឋដែលពួកគេមិនអាចបំភ្លេចបានគឺការទាមទារឯករាជ្យពីបារាំងក្នុងឆ្នាំ១៩៥៣។ បន្ថែមលើនេះពលរដ្ឋក៏បានរំឮកអារម្មណ៍តក់ស្លុតពេលដឹងថា ព្រះអង្គសោយទិវង្គត់ កាលពី១០ឆ្នាំមុនដោយចាត់ទុកថា ដើមឈើធំបាក់មែកលែងមានម្លប់ជ្រក។
