បទយកការណ៍
លោក យាង សុធារិន្ទ៖បែកអ្នកផ្ទះ៥ឆ្នាំដល់ជួបពេលវិញជាមួយអារម្មណ៍ត្រៀមចិត្តលារហូត
ចុះផ្សាយនៅថ្ងៃ៖
ស្តាប់ - ០៧:៣២
សំណុំរឿងផ្លូវច្បាប់បានចង់ជើង លោក យាង សុធារិន្ទ អតីតអ្នកយកព័ត៌មានវិទ្យុអាស៊ីសេរីមិនឲ្យធ្វើដំណើរទៅជួបក្រុមគ្រួសារនៅឯស្រុកកំណើត ស្ថិតនៅលើទឹកដីខ្មែរកម្ពុជាក្រោម អស់រយៈពេល៥ឆ្នាំ។ ក្រោយមកហេតុផលសមាជិកគ្រួសារមានជំងឺធ្ងន់ស្ថិតក្នុងដំណាក់កាលចុងក្រោយ តុលាការកំពូលក៏ស្រាយចំណង់ តាមរយៈការប្រគល់លិខិតឆ្លងដែនទៅឲ្យ លោក យាង សុធារិន្ទ វិញដើម្បីមានឱកាសបានជួបមុខបងប្អូន ដែលទន្ទឹងចាំផ្លូវនៅឯផ្ទះ។ បើតាម លោក យាង សុធារិន្ទ ទាំងឱពុក និងបងស្រីកំពុងព្យាបាលសង្គ្រោះបន្ទាន់ដូចគ្នានៅមន្ទីរពេទ្យ ហើយបើមិនត្រូវបានសង្គ្រោះទាន់ពេលវេលាទេ លោកនិងឱពុកអាចមិនបានជួបមុខគ្នាជាលើកចុងក្រោយ។
