ព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ មានរយៈពេល៣ថ្ងៃ ពោលចាប់ពីថ្ងៃទី៧-៨និងទី៩ខែវិច្ឆិកានេះ។ ជារៀងរាល់ឆ្នាំនៅមុខព្រះបរមរាជវាំងតែងតែមានការរៀបចំប្រណាំងទូកង ក៏ប៉ុន្តែឆ្នាំនេះរដ្ឋាភិបាលបានសម្រេចផ្អាក ដោយសារហេតុផលមួយចំនួន និងចំពេលដែលកម្ពុជាធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ានជាដើម។ ចំពោះការផ្អាកការរៀបចំប្រណាំងទូកងនៅមុខព្រះបរមរាជវាំងនេះ ប្រជាពលរដ្ឋមានការលើកឡើងផ្សេងៗគ្នា ខណៈដែលអ្នកប្រកបរបររត់កង់បីវិញ ថាពួកគេបាត់បង់ឱកាសរកចំណូលបានច្រើន ដោយសារគ្មានការប្រណាំងទូក។
